يبدوا إني مختل ... بس وماله !

آه ... أكيد مختل ... المفروض أكون مضايق عشان لبنان الجميلة اللي ادفنت مرة واحدة وبدون سابق إنذار - بس أنا فرحان !
أيوه فرحان ...
لما بقرأ الأخبار كل ساعة ولا ساعتين عنيا بتجري بين السطور وألاقي نفسي بدور على انتصارات المقاومة ...
بدور على صور اليهود وهما بيجروا فالشوارع ...
بحتفظ بصور نظرات العساكر اليهود اللي كلها تعب و انكسار وذل بعد يوم يكون حزب الله مرمغ مناخيرهم في الأرض ...

بحبك يا لبنان ... بشمالك - بجنوبك - بسهلك ... بحبك ...
بس بحب مقاومتك أكتر ...
بحب رجالتك - ولادك اللي رفعوا راسك ورفعوا راسنا الي كنا حطناها بأدينا في التراب
بحب لمتنا حواليكي ...
بحب مظاهرتنا اللي بتقول لا سنة وشيعة - الوطن ده وطنا ...
بحب مسيحينك يا لبنان ومسيحينك يا مصر اللي قالو انهم مع حزب الله ضد اليهود

فخور كل ما يفجروا دبابة كانوا بيقولوا انها أقوى وأمنع شيء بيمشي على الأرض
فخور لما بصاروخ صغير تبوظ مركب كبيييرة - مقامها أكبر من كده بكتير
فخور لما أقرأ "انسحاب الجيش الإسرائيلي من" ...
فخور بشيوخنا اللي قالوا انه دول مسلمين زيهم زينا - نصرهم واجب علينا
فخور بالشيخ القرضاوي الجميل أوي ...
فخور بالإخوان المسلمين

آه ... كنت حانسى ...
فخور ب "خيبر" ... صاروخنا اسمه "خيبر" ... أي والله خيبر ...
وياسلام يا سلام ... ده مش خيبر بس ... ده "خيبر 1"
الله أكبر !
يعني لسه في خيبر 2 و 3 و 4 و العداد شغال
الله أكبر - الله أكبر - الله أكبر ...

أنا فاكر دلوقتي مظاهرات الكلية ...
"خيبر خيبر يا يهود - جيش محمد سوف يعود"
يكنش ده اللي بيقولوا عليه ؟

... صلى الله على محمد - صلى الله عليه وسلم

أنا فرحان ... فرحان أوي

يارب ... كتر افرحنا وعلى قد نيتنا ادينا

يوسف شاهين: حسن نصر الله يمثل شرف الاسلام

القاهرة (رويترز) - في رأي المخرج المصري يوسف شاهين أن السيد حسن نصر الله الامين العام لحزب الله هو "شرف الاسلام" وأن المقاومة التي يخوضها الحزب الان ضد الهجوم الاسرائيلي على لبنان هي اخر ما تبقى مما يصفه بالكرامة العربية.

وقال شاهين مساء يوم الاحد لرويترز في مقابلة ان الهجوم الذي استهدف البنى التحتية في لبنان على مدى 19 يوما الى الان ليس الا رد فعل على "الهزيمة الشنيعة للامريكيين في العراق وأفغانستان."

وأصدر شاهين الذي منحه مهرجان كان السينمائي الدولي جائزة اليوبيل الذهبي بيانا عنوانه (الفوضى في بيتنا) بعد "المجزرة" التي ارتكبتها القوات الاسرائيلية في بلدة قانا اللبنانية فجر اليوم وراح ضحيتها أكثر من 60 مدنيا منهم 37 طفلا.

وقال في البيان الذي كتبه شاهين بالعامية المصرية وتوجه به "اليمين الامريكي الكاره للاسلام" قائلا..

"الفوضى انك تضرب المدنيين زي ما بتضرب العسكريين. الفوضى انك تغضب على أطفال أيتام. الفوضى انك تقتل حوامل ورضع. الفوضى انك تبيد شعب أعزل علشان تكسر شوكة انتم اللي عملتوها. الفوضى في السكات على أعمال وحشية يروح ضحيتها أكثر من خمسين طفل يتيم ومعاق في قانا. الفوضى انك تغتصب انسانية الشعوب بأوهام الشرق الاوسط الجديد" في اشارة الى قول وزيرة الخارجية الامريكية كوندوليزا رايس بعد رفض واشنطن وقف اطلاق النار ان ما يحدث هو مخاض لشرق أوسط جديد.

وأضاف البيان "لازم أقول لهم.. الفوضى اللي عملتوها في بيتنا النهار ده بكره هتبقى في بيتكم."

وقال شاهين لرويترز انه حرص حين زار لبنان هذا االعام على طلب مقابلة نصر الله الذي "رحب بمقابلتي في بيته... (أنا) أتباهى به."

وأضاف أنه توقع هذه "الكارثة" منذ اعلان الرئيس الامريكي جورج بوش عقب هجمات 11 سبتمبر أيلول 2001 أنه سيخوض حربا صليبية.

وقال المخرج الذي احتفل السينمائيون في فبراير شباط الماضي بعيد ميلاده الثمانين "أكره بوش لانه غبي ويتكلم الانجليزية بشكل وحش (رديء) ويكره الاسلام بشكل فظيع."

في حين يرى شاهين وهو مسيحي كاثوليكي أن "حسن نصر الله شرف الاسلام."

وأشار الى أن للعنف الامريكي تجاه العالم وبالذات المنطقة العربية ميراثا تاريخيا بلغ ذروته في الاربعينيات حين حسمت واشنطن الحرب العالمية عام 1945 بالقاء قنبلتين نوويتين على مدينتي هيروشيما وناجازاكي اليابانيتين.

وقال "لو كان (الرئيس الامريكي الاسبق هاري) ترومان يريد الردع لهددهم (اليابانيين) أولا بأنه سيلقي قنبلة (نووية) في جزيرة خالية من الناس تختفي منها مظاهر الحياة بعد لحظات."

وأضاف أن الولايات المتحدة استقوت على العالم العربي بسبب الحكام الذين اعتبرهم موالين لواشنطن ويجيدون احكام السيطرة على الشعوب بقوة أجهزة الامن الداخلية.

من سعد القرش

From The Lebanese People To The So Called “Civilized” West

http://www.fromisraeltolebanon.org/


Monday, July 17, 2006:
Kiryat shmona. Israeli girls write messages on a shell at a heavy artillery position firing into civilians inside Lebanon.


9/11 in Beirut!

هنا القاهرة

الخبر: مبارك ينتقد المقاومتين الفلسطينية واللبنانية

القاهرة (اف ب)- انتقد الرئيس المصري حسني مبارك المقاومتين الفلسطينية واللبنانية معتبرا ان نشاطهما لا يحقق سوى "مكاسب محدودة" وان الشعب هو الذي "يدفع الثمن".
وتابع "ان اشعال الموقف تحقيقا لمكاسب محدودة يتجاهل الهدف الاساسي للفلسطينيين وهو اقامة دولتهم المستقلة" مشيرا الى ان "ما ذكرته عن المقاومة الفلسطينية ينطبق بدوره على المقاومة اللبنانية".


التعليق: لبنان لن يتخلى عن الأمين العام لحزب الله حسن نصر الله

وقد زار رئيس الجمهورية اللبناني إميل لحود بعض المناطق التي التجأ إليها نازحون من الجنوب، وقال إن لبنان لن يتخلى عن الأمين العام لحزب الله حسن نصر الله.

حد يرد عالبني آدم ده !

لأول مرة أخرج عن شعوري بس الكلام اللي بيكتبه الشخص ده اللي مسمي نفسه الفرعون الكبير مستفز فعلا
http://www.bigpharaoh.com

ميين ده أصلا!

والأسخم أنه تقريبا كل اللي بيرودا عليه خواجات و اسرائيلين ويهود - الواد ده بيتكلم بلسان الغرب واسرائيل وحاسب نفسه عالمصريين!

أنا اليومين دول غرقان فالشغل ومش فاضي أدخل صراع مع شخص زي ده ...

لو حد فاضي يا ريت يرد عقبال ما افضى له هوه وأصحابه

Like a lazy ocean hugs the shore

When marimba rhythms start to play
Dance with me, make me sway
Like a lazy ocean hugs the shore
Hold me close, sway me more

Like a flower bending in the breeze
Bend with me, sway with ease
When we dance you have a way with me
Stay with me, sway with me

Other dancers may be on the floor
Dear, but my eyes will see only you
Only you have the magic technique
When we sway I go weak

I can hear the sounds of violins
Long before it begins
Make me thrill as only you know how
Sway me smooth, sway me now

Other dancers may be on the floor
Dear, but my eyes will see only you
Only you have the magic technique
When we sway I go weak

I can hear the sounds of violins
Long before it begins
Make me thrill as only you know how
Sway me smooth, sway me now
You know how
Sway me smooth, sway me now

to mahmoha - my angel ...
"Sway" - DEAN MARTIN

بالبلدي:سييد المعلمين

أيوه حسن نصر الله معلم وسييد المعلمين كمان

يا فرحتي واحنا قاعدين نتفرج على غزة وهية بتتضرب ... اتحاد ملاك الغابة اللي إحنا قاعدين فيها النهاردة مقدرش يقول لإسرائيل لأ ... لإن بوش أفندي قالهوم لأ ... ولأت بوش أجمد من كل لآتكم كلكم يا غجر

لكن المعلم اللي عنده نخوة قال طالما ضرب بضرب - تعال اضرب حد يعرف يرد عليك ... زي اللي شاف بلطجي بيضرب بت غلبانة والناس كلها واقفة تتفرج ... ماستحملش ودمه فار قام واقفله وهو عارف انه حيضرب ... بس هوه ممكن يستحمل لكن البت الغلبانة لأ - دي كان ممكن تموت ف إيده

النهاردة الجيش الإسرائيلي انسحب من وسط غزة ... يعني اللي عمله المعلم جاء بفايدة يا غجر

أيوة لبنان بتتبهدل دلوقتي وأنا بكتب الكلمتين دول لكن الصبر يا رجالة ... اصطبروا بس لما صاروخين من حزب الله يخيشوا في حاجة تعور اسرائيل - حيجروا على أمريكا عشان تخلي مجلس الأمن يوقف إطلاق النار

النهارده عالجزيرة شاب لبناني راجل مرمي على سرير في مستشفى ومتفشفش وعينه طايرة بيقول بصوت قوي كله إيمان : 200 قتيل و 300 جريح ميهموناش - برضه صامدين وقدها وقدود وياحنا يا هما

راجل ... والله كلكم رجالة ...

شكرا يا حسن يا نصر الله ...
شكرا بالنيابة عن الفلسطينين والعرب وكل المسلمين ... سنة كانوا ولا شيعة ... والله بحبك وبحترمك يا سييد المعلمين

New architect on board - زغرطي يا مصر

Mahmoha's graduation project

Utopia bus :D

كنت بدعبس فحاجاتي القديمة لقيت البتاعة دي :)
دي مسابقة كنت دخلتها مع مها من يجي سنتين كده عن تصور لوسيلة مواصلات عامة في العالم الفاضل - حاجة مستقبلية كدة

خلاص يا فتحي - حصل خير

اتصل الرئيس حسنى مبارك هاتفيا بالدكتور احمد فتحى سرور رئيس مجلس الشعب وطالب بالغاء الحبس فى جرائم القذف الخاصة بالذمة المالية ومضاعفة العقوبة المالية .

أعلن ذلك الدكتور مفيد شهاب وزير الدولة للشئون القانونية والمجالس النيابية فى مجلس الشعب حسبما ذكرت وكالة أنباء الشرق الأوسط


أعلق ولا معلقشى ... بلاش أعلق أحسن ... أنا بس وقعت على بطني من الضحك لما قريت الخبر ده

looooooool

ملحوظة: راجع عملية ترويض الأفيال - يمكن تنفعك
!!

افرح افرح يا حرامي ... القانون حبس كلامي

واحتجبت اليوم الاحد نحو 24 صحيفة يومية واسبوعية من معارضة وحزبية ومستقلة احتجاجا على مشروع القانون الذي الغى عقوبة الحبس في بعض مواده واضافها في مواد اخرى لم تكن موجودة اصلا وخصوصا في مواضيع تتعلق باتهامات الفساد. وغابت ليوم واحد اليوميات التي تصدر الاحد وابرزها "المصري اليوم" "العالم اليوم" "الاقتصادية" "نهضة مصر" "الاهالي" "الاحرار" و"الوفد" اضافة الى اسبوعيات مثل "صوت الامة".

ولم تصدر في القاهرة سوى الصحف الرسمية "الاهرام" و"الجمهورية" و"الاخبار" اضافة الى صحيفة واحدة مستقلة قريبة من النظام هي "روز اليوسف".

بقى عندي بطاقة انتخابية - مبروك عليكي يا مصر

امبارح استلمت البطاقة الإنتخابية بتعتي - أول مرة امسك بطاقة انتخابية :)
كده بقى وفقا للدستور المصري العتيد بقيت مواطن من حقي أمارس حقوقى السياسية - يا حلولي
:D
اللي أنا عاوز أفهمه ... لية البطاقة الإنتخابية بالسذاجة دي - ده أي عيل صغير في سنة تانية تزوير يعمل أبوها !
ولا الديزاين ده مقصود يكون ساذج كده !

مش عارف ... مش الأسهل يخلوا التصويت بالرقم القومي ... أهو مع الكل بدل الفرهدة بتاعة استخراج بطاقة انتخابية وفالآخر تطلع حتة الورقة العبيطة دي!

جيمي وعمه بوشابيش

جالي عالميل - استخسرت المجهود بتاع المؤلف يروح أونطة ... اللي يعرف اسم الكاتب يبلغ عنه بقى :)

جيمي وعمه بوشابيش

مشهد خارجي ... ظلام دامس .... أنوار خافتة مُحيطة بالبيت الأسود .. الفجر بيشقشق .... أصوات خبط ورزع على البوابة الخارجية للبيت الأبيض :

لورا : يا ساتر يارب .. ده مين السمج اللي بيخبط علينا الساعة دي ؟ إصحي يا بوشي شوف في إيه

بوش يهب منزعجاً : إيه .. في إيه ؟ أسامه رجع تاني ؟ البرج .. إوعى البُرج .... ناولوني الشبشب ... إستخبي يا ديك ..

لورا : برج إيه يا راجل ما راح واللي كان كان .. ده باب البيت البراني بيخبط قوم شوف مين .

بوش : أقوم إزاي وأنا بالبيجاما ... قومي إنتي يمكن ماحدش غريب ...

لورا : مين .. مين اللي بيخبط ؟

جيمي : أنا جمال يا طنط

لورا : جمال مين ؟

جيمي : جمال إبن مبارك

لورا : إبن سوزان ؟

جيمي : أيوه يا طنط إفتحي أنا أفأفت من البرد .

لورا : خير يا جمال .. ماما جرا لها حاجة ؟

جيمي : لأ .. ماما بخير والحمد لله ولسه ضاربة مكتبتين الإسبوع اللي فات

لورا : إوعى تكون إتخانقت مع خديجة .. حاكم أنا عارفها هاتعمل عليها ماري منيب ؟

جيمي : يا طنط مافيش حاجة ... أرحمي أهلي ودخليني الأول هاموت من البرد .. وبعد كده إن شالله تبعتيني جوانتانمو يحققوا معايا .

لورا : إدخل يا جمال .. أقعد أتلقح في أوضة المسافرين عبال ما أصحيلك عمك بوش .... فطرت ولا أجيب لك لقمة تشق بها ريقك .

جيمي : لأ الحمد لله أنا أكلت شاندوتشين سدُق في القطر وأنا جاي .... صحي لي أونكل قوام الله يخليكي عشان عايزه في موضع مهم .

يدخل بوش أوضة المسافرين مرتدياً بيجامته الكستور وزعبوطاً من نفس نوعية قماش البيجاما .. مع شبشب حمام أزرق اللون ...

بوش : إيه الشوقه الغريبة دي يا جمال يا إبني ؟ ومالك لابس لبس ولاد الليل ليه كده ومتلثم ؟

جيمي : أسف يا أونكل إني جاي من غير ميعاد .. لكن الموضوع خطير خطير خطير .

بوش : يا ساتر يارب !!!!!! إيه إوعى تقولي الشعب المصري صحي وثار عليك وعلى ابوك ؟

جيمي : بعد الشر يا عمو .. دول نايمين بقى لهم 7 آلاف سنة .. ولا أصحاب الكهف .

بوش : طب حد لغوص لكو في موضوع الإنتخابات وفقس العملية ؟

جيمي: ماحدش يستجرى يا عمو وأديك شايف إحنا بنعمل إيه في القضاة .

بوش : يابني تعبت قلب اللي خلفوني وأنا مش فاضليك .. خش في الموضوع

جيمي : في الحكيكة يا أونكل بوش .. بابا صحي من النوم من إسبوعين كده ووشه كان أصفر وجسمه بينتفض وفضل ينده ويقول " هاتوا لي جمال .. انا عايز جمال " .. المهم سيبت خطيبتي وجتله جري لقيته بيقولي :

)مشهد داخلي ... نهار ما طلعلوش شمس ... الكاميرا تقترب من غرفة النوم الرئيسية في قصر العروبة ... وتحديداً يتركز المشهد على السرير الملكي(

مبارك : شد لك كرسي و أقعد يا جمال أنا عايزك في موضوع خطير ... النهاردة إيه ؟

جيمي : 4 مايو يا بابا ..

مبارك : وده معناه إيه ؟

جيمي : معناه إن الموظفين قبضوا مرتباتهم من 3 أيام يا بابي

مبارك : موظفين .. مرتبات ؟ إنت هاتنضف مخك معايا ولا أخلى عيشتك سودا ؟

جيمي : بالراحة عليه .... صحتك يا حاج .. حاضر هانضف

مبارك : يابني النهاردة عيد ميلاد اللي جابك .. وأنا كملت النهاردة 78 سنة .

جيمي : والله ؟ كل سنة وإنت طيب يا حاج ... عن إذنك أوصل لحد " لا بالما " أضرب دستتين جاتوه على طورطايه و78 شمعه وأجي حمامه .

مبارك : تصدق بالله لو قاطعتني وإتكلمت في الهجايص دي تاني أنا هاقطع خلفك .... يا جمال يا إبني أنا حاسس إن يالله حُسن الختام ... وبالمختصر المفيد أنا عايز أقلوظ لك الكُرسي قبل ما أفلسع .

جيمي : بعد الشر عنك ... ده لو حصل ده أنا أموت نفسي وراك يا حاج .

مبارك : تموت نفسك ؟ طب ومصر ؟ والمصريين دول مين يشكمهم يا جمال ؟

جيمي : آه صح ... طب إتكل عالله إنت يا حاج وأنا هابقى أحصلك ..

مبارك : عشان كده انا عايز تتخفى وتتكتم وفي منتهى السرية تروح لعمك بوش وتبوس إيده وتقوله " أبويا بيسلم عليك وبيقولك .. إمتى هايتم المُراد يا جميل .. إحنا طالبين الرضا والسماح "

جيمي : إيه دا دا يا بابا ؟... بس أنا بأحب خديجة وإنت عارف .. وهاكتب عليها بعد موسم القُطن اللي جاي ؟

مبارك : اللهم طولك يا روح ... خديجة إيه وقطن إيه يابني حرام عليك هاتموتني ناقص عمر .. مين جاب سيرة خديجة ولا الجواز دلوقت ؟

جيمي : مش إنت بتقولي روح أطلب إيد بنت عمك بوش ؟

مبارك : أنا قلت كده يا رئيس المستقبل .. يا فلته عصرك وآوانك ؟.. يابني أدم أنا بأقولك روح إستسمح عمك وأطلب منه يساعدك في القعاد على الكُرسي ...

جيمي : يا حبيبي يا بابي ... والله هاتوحشني لما تروح .. وهاتوحشني أفكارك البرلنتية ... وتفتكر يا بابا أونكل بوش هايوافق ؟

مبارك : ربنا يهدية .. إحنا بس نرمي بياضنا ونشوف طلباته إيه ؟

-------

جيمي : عشان كده يا عمو أنا جيت لك النهاردة وطالب الرضا والسماح

بوش : في الحقيقة إنت فاجئتني بطلبك ده .. وبعدين " جينا " لسه صغيرة وما بتفكرش في الجواز دلوقت ..

جيمي : الحمد لله .. يعني مش أنا بس اللي بأفهم بالشقلوب ..

بوش : قصدك إيه ؟

جيمي : لأ ما فيش حاجة .. ده أنا فتكرت موقف كده حصل بيني وبين بابي ... يا عمي أنا مش قصدي الجواز من سليلة الحسب والنسب .. أنا بأقصد إني طالب الرضا والسماح عشان أقعد وأترستق على الكُرسي وأدلدل رجلي ؟

بوش : آه قلت لي ... طب إستناني أما أضرب واحد كابتشينو عشان أفوقلك إنت وابوك ..

بوش : قلت لي بقى أبوك بعتك ليه ؟

جيمي : بابي بيسلم عليك وبيقولك قلوظ لي الكُرسي .

بوش : لأ إستأنا عليه أما أندهلك خالتك أم سلحول ..

جيمي : طب وإيه لزمة طنط لورا في الموضوع الرجالي ده ؟

بوش : لورا مين .. يخرب بيت عقلك وطي صوتك أحسن تسمعك من المطبخ ... أم سحلول ده الإسم الحركي لخالتك كوندي .

جيمي : آه .. وماله بس بسرعة يا أونكل أحسن عايز اروح قبل الدُنيا ما تضلم وكمان عشان سايب خديجة في جنينة المريلاند لوحدها .

بوش : يا عبدو .. يا عبدو ...

عبدو : أوامرك يا افندينا .

بوش : إدي ميسد كوول لكوندليزا خليها تيجي بالعجل .

عبدو : بس يا أفندينا الدنيا لسه الفجر وممكن تكون نايمه .. وحتى لو صحيت وجت بسرعة فمش هاتلحق تغسل وشها .. وده في خطر علينا .

بوش : يا سيدي ما بتفرقش كثير .. إندها وخليها تيجي والسلام .

-----

وتأتي كوندي مهرولةً وتدخل أوضة المسافرين على بوش وجيمي ..

كوندليزا وهي تتثاءب : صباح الخير يا مستر بريزيدانت .... مين جيمي إبن سوزان ... إزيك يا ولا وإزي أمك ؟

جيمي : كويس .. وماما بتسلم عليكي يا طنط وبعته لك معايا حتة قماش قطيفة تنفع ميكروجيب .

كوندي : ميرسي خالص يا جيمي ماكنش له لزوم .. وإبقى سلم على ماما .

بوش : جيمي يا ستي جاي وجايب معاه رسالة من والده بيقولي فيها أقلوظ له الكرسي

كوندي : وماله يا مستر بريزيدانت .. بس كله بثمنه

جيمي : وأنا رقبتي سداده يا طنط كوندي .. ومستعد دلوقت أكتب لكو أي حتة في مصر بيع وشرا .. من أول توشكى لحد شرم الشيخ بتاعت بابا .

بوش : إحنا ناس مش بتاعت فلوس يا جيمي وابوك عارف كده كويس .. إشرحي له أكثر يا كوندي .

كوندي : بص يا جيمي .. إحنا لازم نعملك الأول كام إختبار على كام تحليل حاجة كده زي كشف الهيئة عندكو .. ونشوفك تنفع ولا لأ ..

جيمي : أنا متأكد من نفسي يا طنط وصحتي عال العال وأفوت في الحيطه وأعدي البحر ولا أتبلش .

كوندي : عال عال ... نخش على أول سؤال .... س : ما هو موقفك من الدولة القطقوطة الأمورة إسرائيل في حالتك قلوظت الكرسي لك؟

جيمي : ج : بسم الله الرحمن الرحيم .. إسرائيل بالنسبة لي دولة مُسالمة .. وعيال بتوع سلام من أول أونكل بن جوروين مروراً بتيته جولدا وصولاً إلى عمي الحاج شارون ربنا ياخد بيده ويقومه لنا بالسلامه ونهايةً بأونكل إيهود أولمرت اللي هو حبيبي وإبن حبيبي وباب بيعزه معزة الأخ لأخوة .

كوندي : يخرب عقلك إنت بتجيب الكلام ده منين ... صحيح يا ولاد - وقالت ولاد بالإنجليزي يعني بويز - اللي خلف مامتش ..... السؤال التاني : ما هي علاقتك ببشار الأسد ؟

جيمي : ولا أعرفه .. ده راجل بتاع مشاكل زي أبوه .. وبابا قال لي : يا جيمي يابني مالكش دعوة بالأشرار ...

كوندي : ج : ما هو موقفك من مشكلة العراق ؟

جيمي : دي مشاكل عائلية بناتهم وهايصفوه .. سونر أور ليتر .

كوندي : ما هو موقفك من المعارضة المصرية الداخلية وخصوصاً الإخوان المسلمين ؟

جيمي : إحنا دولة مؤسسات - أحداث - ونحن سائرون قُدماً في مسيرة الإصلاح .. واللي ماربهوش أهله تربيه المعتقلات .

كوندي " والله الولا ييجي منه يا مستر بريزيدانت ... السؤال الأخير وده من عشر درجات ... ما هو موقفك من خلفة العيال ؟

جيمي : حضرتك أنا من إيدك دي لإيدك دي .. عايزاني أخد برشام منع الحمل من أول يوم .. ماشي .. أشيل الرحم خالص .. أوكي .... أنا جاهز

كوندي : يابني مش قصدي .. أنا أقصد إيه نظام التوريث بالنسبة لك ؟

جيمي : حضرتك يا طنط أنا أتفقت مع خديجة إننا نشد حيلنا في الكام سنة الأولانيين ونضرب 3 أو 4 عيال أول سنة .. بحيث لما أدقدق شوية في الحُكم يكونوا كبروا وحد يمسك بدالي وسلمني نضيف أسلمك نضيف .

بوش : أنا مبسوط منك يا جيمي ... خلاص تقدر تروح دلوقت وقول لبابا عمو بوش بيقولك " مبروك يابو الريس " إنت راجع إمتى ؟

جيمي : حضرتك أنا حاجز في ديزل الساعة 12 .. يعني يادوب ألحق .... وخلي بالكم إنتوا معزومين على فرحي الشهر الجاي ... وياريت تجيب طنط لورا معاك يا أونكل وقولها نانسي وشعبولا هاييحيوا الليلة .


وهنا تدوي زغاريط الفرح في أرجاء البيت الأبيض

ال16 مليار دول جم في وقتهم

فالله خير حافظاً says:
يا بني انت ناسي ان ال16 مليار دول جم في وقتهم وحيفكوا زنقه

G Designs™ says:
ezay !!
G Designs™ says:
... kan 3andohom gam3ya awel el shahr ?

فالله خير حافظاً says:
احنا كنا حنتفضح ادام العالم كله لما زوجات الرؤساء والزعماء والامراء والملوك واصحاب السعاده والفخامه و السمو يروحوا يباركوا لخديجه في السبوع يلاقوا العفش اللي علي ادنا
فالله خير حافظاً says:
كده ممكن نبحبح ايدينا شويه ونجيب العفش فوري ا
فالله خير حافظاً says:
ونفرش الاوض كلها

G Designs™ says:
looooooool
G Designs™ says:
wenaby 3andak 7a2 ya 7`oya - tamnteny elahy ytamen 2albak :D

تمن رخصة شبكة الموبيل التالتة 16.7 مليااااااااار جنيه

تمن رخصة شبكة الموبيل التالتة 16.7 مليااااااااار جنيه

أنا مش متأكد الفلوس دي حتروح فين - بس الخوف يروح نصها مكافآت لموظفين الهيئة المصرية للإتصالات !
أينعم ده أرحم ما تتسرق و ييجوا فالموازنة العامة يقولوا مش لقيينهم !!

بس لازم نفكر - البلد ورثت مبلغ لا بأس به ولا اللي ماتله قريب فالبرازيل زي في الأفلام العربي بتاعة الستينات ...

طب دول نعمل بيهم أيه ...
يا ترى نحطهم كلهم تحت حساب ديون مصر ونقلل الفوايد اللي بنلبسها كل سنه !
ولا نحطهم وديعة فالبنك الدولي ونعيش من الفوايد زي اللي كانوا شغالين فالخليج ومعاهم قرشين ...
بس فلوس البنوك بيقولوا حرام !

طب نشغلهم فمشروع في دولة سوقها ماشي اليومين دول - بيقولوا قطر والكويت فيهم استثمارات جامدة اليومين دول ...
مش عارف بقى !
أصل أكيد مش حنفتح بيهم سيبرات و سنترالات فالشوارع ...
وبعدين عبد الناصر مات من زمان - يعني مش حنفتح بيهم مصانع جديدة بدل اللي بعناهم !
وكمان السادات طخوه - يعني مفيش فرصة نصرفهم عالجيش ونجيب سلاح بدل السيوف والنبل اللي معادتش تنفع ببصلة لو حد بلطج علينا اليومين دول !!

طب أيه ...
نشغلهم فالبورصه؟

لا يا عم - مش لاعب طول ما عز وصحابه فيها !!

....

أغيثونا أغاثكم الله

البعبع جاااااي

الأمن يعيد 45 تلميذاً من مصيفهم بالقيود الحديدية

استمرارا لمسلسل الرعب الأمني من الأطفال ...

الأول الشباب بتوع الإخوان اللي كانوا بيصيفوا وعلاء كتب عنهم ...

وبعد كده ألاء بتاعة أولى ثانوي ...

وبعدين دلوقتي عيال في أولى إعدادي !!

أكيد المرة اللي جاية حايهجموا تانية حضانة - انشاء الله يعني -

حسبي الله ونعم الوكيل !

My Ninja Master is back ... yaaaaaa - hou !

د.خالد ... حمدالله عالسلامة

عفوا - البدلة فالتليين

المشهد:
أنا وواحد صحبي طالعين من كارفور كنا بنشوف الكمبيوتر أكسيسوريز من اللي عليها عروض الصيف !
وفجأة ... !!!!!

اتنين - واحد و واحدة ماشيين في كارفور ... الولد لابس بدلة والبنت لابسة فستان خطوبة - وماشي وراهم زمرة من أقارب وأصدقاء الهابي كابل :)

أنا: إلحق يا لطفي
لطفي: أييييه !
أنا: شوفت اللي واخد خطيبته يوم الخطوبة يفسحها فكارفور ده :)
لطفي: هههههه - متشاورش بس
أنا: تفتكر ممكن يكونوا بيجيبوا حاجات للعشاء وحيعملو سندوتشات عالسريع كدة فالبيت :)

نقترب من المذكورين ...

لطفي: يالهوى ! - أنا أعرف الواد ده ... ده كان معانا فالكلية (كلية طب - ربنا يعفو عنكم)
أنا: (نظرة ذهوول)
.
.
.
الواد: أهلا يا لطفي - إزايك (نظرة فخر تعتلي وجهه المبتسم)
أنا (مقاطعا): ألف مبرووك ... ربنا يتمم بخير (مادا يدي مصافحا وعلى وجهى ابتسامة المناسبات السعيدة)
واحدة (كمبارس كانت ماشية معاهم): ... طب حنتمشى احنا قدام شوية
لطفي: ألف مبروك ياحمد
الواد: عقبالك يا لطفي ...
.
.
.
الواد: انت فين دلوقتي ؟
لطفي: في مستشفي *** ... وأنت ...
الواد: أنا ف ***
لطفي: طب عال ...

لحظة صمت مطبق - أصوات تتعالى فالخلفية لأناس مجهولين في كارفور

الواد (بغتة): متنساش - كتب الكتاب يوم 22 الشهر ده في قاعة *** عالبحر ...
الواد: اتصل بيا قبليها بكام يوم كدة عشان ابقى اديك دعوة ...
لطفي: اكيد - ربنا يسهل
لطفي: طب أسيبكوا بقى ... ألف مبروك
أنا: مبروك يا باشا (إبتسامة فرحة - أونطة مبالغ فيها)
الواد: الله يبارك فيكم
.
.
.
يبتعد الموكب السعيد ...

أنا: انت بتعرف الشخصيات دي إزاي أنا نفسي أفهم
لطفي: عشان تعرف اننا كان معانا عاهات فالكليه ...
لطفي: تصدق - الواد ده كان ساعات يجي الكلية كدة ببدلة ... بدون أي سبب - ولما كنا نسئلة كان بيقول أصلي جايب شوية بدل جديدة وبجربهم
أنا: ههههههههههه
أنا: أكيد كان بيعلق على ضهره "عفوا - البدلة فالتليين"

عودة الندل !!

معرفتش استمر في الإنقطاع عن الكتابة ... شكلي حرجع تاني أكتب ومش حيكون كله صحي ومفيد
!!