تمن رخصة شبكة الموبيل التالتة 16.7 مليااااااااار جنيه
أنا مش متأكد الفلوس دي حتروح فين - بس الخوف يروح نصها مكافآت لموظفين الهيئة المصرية للإتصالات !
أينعم ده أرحم ما تتسرق و ييجوا فالموازنة العامة يقولوا مش لقيينهم !!
بس لازم نفكر - البلد ورثت مبلغ لا بأس به ولا اللي ماتله قريب فالبرازيل زي في الأفلام العربي بتاعة الستينات ...
طب دول نعمل بيهم أيه ...
يا ترى نحطهم كلهم تحت حساب ديون مصر ونقلل الفوايد اللي بنلبسها كل سنه !
ولا نحطهم وديعة فالبنك الدولي ونعيش من الفوايد زي اللي كانوا شغالين فالخليج ومعاهم قرشين ...
بس فلوس البنوك بيقولوا حرام !
طب نشغلهم فمشروع في دولة سوقها ماشي اليومين دول - بيقولوا قطر والكويت فيهم استثمارات جامدة اليومين دول ...
مش عارف بقى !
أصل أكيد مش حنفتح بيهم سيبرات و سنترالات فالشوارع ...
وبعدين عبد الناصر مات من زمان - يعني مش حنفتح بيهم مصانع جديدة بدل اللي بعناهم !
وكمان السادات طخوه - يعني مفيش فرصة نصرفهم عالجيش ونجيب سلاح بدل السيوف والنبل اللي معادتش تنفع ببصلة لو حد بلطج علينا اليومين دول !!
طب أيه ...
نشغلهم فالبورصه؟
لا يا عم - مش لاعب طول ما عز وصحابه فيها !!
....
أغيثونا أغاثكم الله
posted by Geddo Iskandar at ١٠:٠٧ م
5 Comments:
bos fe azma fel cafehat, ketro bas beybaya2o besor3a, fa neshaghalhom fe kam cafe keda gamdeen fehom shisha flavors and tv tool el wa2t beygeeb mazzika weyshaghal 7aga tanya khales tetseme3 f nafs el wa2t....hayeksabo sada2any. w bos, khaleehom men gheir minimum charge awel kam esboo3 3ashan testadreg el nas, w ba3den ez fag2atan fage2hom f yom 7ar el sa3a 7 masa2an w 2ool "ya gama3a fe minimum 30 geneh" hatla2y el nas el ghalbana betigy bardo w betedfa3....
la2 ya3ny shoghl gamed walahy...
heya el cafes..
ممممممم
يعني نعمل الهيئة القومية للمقاهي الإفرنجية - شركة مساهمة مصرية
نوت باد ...
ممكن حتى نأمم قصور الثقافة القديمة فالبداية عشان متنطورة في أماكن تمام ولو مشيت السبوبة دي نبتدي بقى نتوسع وناخد المكتبات العامة (مبارك/سوزان مبارك) أما لاقدر الله لو مامشيتش يبقى يا دار مادخلك شر ونفكرلها فصرفة بدل ماهي عاملة زي الهم عالقلب كده - ولو عالفلوس أي بجملة المصاريف ونيتنا كانت خير يعني
معت: شكلك كنتي فكافيه النهاردة
:)
ياخوانا - ياخوانا ...
مييييت مرة اقول إبيتاف تاكل قبل متخش تقرى بلوجز وبرضة محدش بيسمع الكلام
:P
بصي أنا مش عارف دي كانت معلومات بجد ولا ستار عشان يخبوا مصادر دخل أخرى غير مشروعة - بس القويري كان بيقول اته بيصدر بسكويت للدول العربية وأوروبا ...
عارفة أصلا انه صادرتنا من المواد الغذائية المصنعة "برومسينج " جدا !
العمالة وتكلفة التشغيل للمصانع في مصر ولاحاجة تقريبا بالنسبة للسوق الدولي - والصين وشرق أسيا مش بيلعبوا في موضوع المنتجات الغذائية ده
وبعدين السوق بتاع جنوب أوروبا ممكن قوي يبقى فجيبنا لو عاوزين ...
الكونتينر من اسكندرية لإيطاليا بيوصل في 24 ساعة ... الموضوع محتاج حد نضيف بس وعنده ضمير ... ممكن نعمل استثمار في الصناعات الغذائية فعلا وأهو بالمرة نبطل نستورد بسكويت كلاب
:)
وعلى رأي المثل ... يا نواعم يا بسكوت - يا بسكوت نواعم - انت لذيذ وناعم
loooool
loool
انتي عارفة ان المخدرات مش أكتر تجارة مربحة في العالم - الأدوية والسلاح والملابس مربحة أكتر و هما التلاتة الأوائل حسب معلوماتي
معلش عرق المعلومات العامة ناقح عليا فالبوست ده
:P
أما موضوع الشاي ده - مفيش اتفضل معانا ... إخصصصصصص
:D
انتا ماتعلمش هو انا مقلتلكش
يقطعنى!!!!!
الموظفين اللى عملوا الرخصة خدوا على قفاهم يا باشا وهايخدوا مكافاة هايفة جداً بس!!!!!!
بعد ماجابوا للبلد 16.7 مليار
وعلى فكرة اسمة الجهاز القومى لتنظيم الاتصالات
إرسال تعليق
<< Home