بالبلدي:سييد المعلمين
أيوه حسن نصر الله معلم وسييد المعلمين كمان
يا فرحتي واحنا قاعدين نتفرج على غزة وهية بتتضرب ... اتحاد ملاك الغابة اللي إحنا قاعدين فيها النهاردة مقدرش يقول لإسرائيل لأ ... لإن بوش أفندي قالهوم لأ ... ولأت بوش أجمد من كل لآتكم كلكم يا غجر
يا فرحتي واحنا قاعدين نتفرج على غزة وهية بتتضرب ... اتحاد ملاك الغابة اللي إحنا قاعدين فيها النهاردة مقدرش يقول لإسرائيل لأ ... لإن بوش أفندي قالهوم لأ ... ولأت بوش أجمد من كل لآتكم كلكم يا غجر
لكن المعلم اللي عنده نخوة قال طالما ضرب بضرب - تعال اضرب حد يعرف يرد عليك ... زي اللي شاف بلطجي بيضرب بت غلبانة والناس كلها واقفة تتفرج ... ماستحملش ودمه فار قام واقفله وهو عارف انه حيضرب ... بس هوه ممكن يستحمل لكن البت الغلبانة لأ - دي كان ممكن تموت ف إيده
النهاردة الجيش الإسرائيلي انسحب من وسط غزة ... يعني اللي عمله المعلم جاء بفايدة يا غجر
أيوة لبنان بتتبهدل دلوقتي وأنا بكتب الكلمتين دول لكن الصبر يا رجالة ... اصطبروا بس لما صاروخين من حزب الله يخيشوا في حاجة تعور اسرائيل - حيجروا على أمريكا عشان تخلي مجلس الأمن يوقف إطلاق النار
النهارده عالجزيرة شاب لبناني راجل مرمي على سرير في مستشفى ومتفشفش وعينه طايرة بيقول بصوت قوي كله إيمان : 200 قتيل و 300 جريح ميهموناش - برضه صامدين وقدها وقدود وياحنا يا هما
راجل ... والله كلكم رجالة ...
شكرا يا حسن يا نصر الله ...
شكرا بالنيابة عن الفلسطينين والعرب وكل المسلمين ... سنة كانوا ولا شيعة ... والله بحبك وبحترمك يا سييد المعلمين
أيوة لبنان بتتبهدل دلوقتي وأنا بكتب الكلمتين دول لكن الصبر يا رجالة ... اصطبروا بس لما صاروخين من حزب الله يخيشوا في حاجة تعور اسرائيل - حيجروا على أمريكا عشان تخلي مجلس الأمن يوقف إطلاق النار
النهارده عالجزيرة شاب لبناني راجل مرمي على سرير في مستشفى ومتفشفش وعينه طايرة بيقول بصوت قوي كله إيمان : 200 قتيل و 300 جريح ميهموناش - برضه صامدين وقدها وقدود وياحنا يا هما
راجل ... والله كلكم رجالة ...
شكرا يا حسن يا نصر الله ...
شكرا بالنيابة عن الفلسطينين والعرب وكل المسلمين ... سنة كانوا ولا شيعة ... والله بحبك وبحترمك يا سييد المعلمين
posted by Geddo Iskandar at ٣:٤١ م
5 Comments:
معاك ان الراجل ده عمل اللى ميتعملش
بس عندى سؤال صغير
لو كان حسن نصر الله هو رئيس لبنان هل كان ليفعل مافعله الان؟؟
تحياتى
لأ يا جبلاوي ..
مأظنش!
:S
أحمد said ...
http://www.blogger.com/profile/7042075
طبعا يحي العرب و الفلسطنيين و السنة و الشيعة
لكن ** ام اللبنانين اللى اتوقف حالهم و اللى ماتوا
أحمد باشا:
أولا أنا أسف مسحت الرد بتاعك عشان فيه شتيمة - قبل أي شيء برجاء عدم استخدام ألفاظ نابية يا باشا ... مش أسلوب كويس للحوار
بص بقى يا سيدي الحرب - اي حرب - لازم تكون مدمرة لكن لو حققت الهدف منها الدمار ده بيسموه ساعتها ضريبة الحرب
أنا مقدر اني بكتب الكلام ده وأنا مش في قلب المصيبة لكن مش كل اللي بره لبنان مش حاسين ولا كل اللي في لبنان رافضين اللي بيحصل ده
يا سيدي اعتبرني من المؤيدين لسياسة الردع - حزب الله بيفكر أولمرت أنه مش لوحده في المنطقة وأنه فيه خطوط حمراء لا يمكن تجاوزها
اسرائيل قصدت ترد على كل لبنان مش على حزب الله بس عشان تشكل ضغط داخلي علي المقاومة ... لكن المحللين اللبنانين والناس المصابين في المستشفيات ليهم رأي تاني - الناس حاسيين أنهم رجالة وعندهم كرامة وأنهم بيعملوا حاجة صح
يصح نتضامن معاهم ونساعدهم باللي نقدر عليه ولا نعمل اللي الإسرائيلين عاوزينه !
طب انت ايه رأيك فالمركب المصرية اللي اتضربت امبارح ... لو الخبر ده صحيح دمك حيبرد لمل الريس يقول لأولمرت حصل خير ... دول برضه ولادك وأنا واثق في نيتك !
طبعا معلم وسيد المعلمين والمعلم الوحيد كمان
جريدة الدستور النهاردة على صدر صفحتها الرئيسية نشرت كاريكاتير لحسن نصر الله ظاهر فيه بصورته بيخطب وبيقول ( يا منطقة مفكيش راجل ) آه والله منطقة ما فيهاش راجل
عاش نصر الله عاش كل من رفع راية المسلمين والعرب
إرسال تعليق
<< Home