مولد سيدي الدنمارك
النهاردة وانا راجع من السنيما دخلت سوبر ماركت فاتح جديد عندنا في الشارع ... لقيت زبدة لورباك الدانيماركية الشهيرة منورة وسط المعروضات ...
سألت الولد اللي واقف حراسة جنب التلاجة ... مش كنا بطلنا الحاجات الدانيمركي دي من كام شهر وقلنا مقاطعة !!
الواد قالي: يا بيه كله بيرجع !! - يعني كانوا حيرموها !!
صدق اللي سماه مولد سيدي الدانيمارك - انفض المولد يا سيد !!
سألت الولد اللي واقف حراسة جنب التلاجة ... مش كنا بطلنا الحاجات الدانيمركي دي من كام شهر وقلنا مقاطعة !!
الواد قالي: يا بيه كله بيرجع !! - يعني كانوا حيرموها !!
صدق اللي سماه مولد سيدي الدانيمارك - انفض المولد يا سيد !!
posted by Geddo Iskandar at ٢:٣٤ ص
4 Comments:
طبعا ياجدو اسكندر المولد انفض علشان الناس انشغلت بحاجات تانية احنا كدا دايما كل ما فى حاجة جديدة تطلع الجرايد تمسكها وعمرو اديب يجبها بعد كدا تبقى راى عام وفى الاخر ينفض المولد وعقبال املتك دلوقتى الناس مشغوله بكاس العالم وبعد كاس العالم ترجع الناس تانى لحكايات مرتضى منصور والاهلى والزمالك وكاس السوبر وغيرة وغيرة
dawam el 7al men el mo7al , remember geddo?! omal fein Na7no fedak ya Rasool Allah?! Soubhan Allah! delwa2ty el nas me2at3a el ART ..mosh fadyeen lel Denmark!
يعني اسمح لي بس أقولك أن اللي بيحصل عندنا ده اسمه " ثقافة القطيع " مع اتلاامي للجميع ، أي حد يقول كلمة الناس كلها تجري وراها من غير ما حد يفهم أو يقرا أو يفكر ، وبعدين الموضوع ينام ، المهم إنك كنت تشوف كل واحد كاتب على عربيته أودكانه ، أو بيته " بأبي وأمي أنت يارسول الله " وهو مش فاهم أي حاجة ، ويحسسكإنه هيحرر القدس بكرة ، وإنه خليفة صلاح الدين ، بالمناسبة ، أنا لا أعترض على الحملة ضد الدنمارك ، ولا أشكك في إخلاص بعض من قادوها للإسلام ، لكن المؤسف أن الأمر يتحول لموضة ،وبعدين تتغير الموضة ، أوالموضوع والجميع ينسى ، بالمناسبة ، الموضة الأيام دي إيه ؟؟؟؟؟؟؟؟؟؟؟
اليومين دول مرحلة انتقالية ... لسة الناس مرسيوش على موضة جديدة
لسة طالعين من موضة التضامن مع القضاه وبنسخن دلوقتي بموضة كاس العالم والشيخ صالح والإحتكار والوصلة حرام ولا حلال وداخلين على الصيف وربنا يستر علينا بجد من موضات الصيف!!
على فكرة - كل الموضات دي كان اصلها حاجات كويسة ... وأهدافها نبيلة لكن "القطيع" لما بيجري فيها بدون فهم ... بتبوخ وبتبقى ماسخة !!
شكرا يا محمد عالزيارة - نورتنا :)
إرسال تعليق
<< Home