مبروك عليكي عريسك الخفة ... يا عروسة - الجزء الأول
من يجي إسبوعين كده كنت معدي جنب سور كلية الهندسة في إسكندرية لقيتهم هادين الرصيف و عملينه كوام إكوام ... سواق التاكسي واضح أنه فوجيء هوه كمان بالمنظر ده قام شاتم المحافظ الجديد على العك اللي بيعكه واليوم الإسود اللي مسك فيه المحافظة ...
أنا كنت يومها في حالة سكون ومصالحة مع نفسي فا عملت فيها الشاب العاقل وقولتله أكيد عاوزين يوسعوا الشارع - الواسع أصلا - أو يمدوا أي مرافق جديدة - ماشاء الله عندك ميه و كهرباء و تليفونات و غاز وصرف صحي و صرف مطر ... محدش عارف - أكيد مش حيكسروه بدون سبب
السواق رد عليا بنبرة متحفزة قائلا إنه مايظنش - وحتى لو ... حبك يعني يخربوا الرصيف في الشتا - الشارع ده كله مدارس و كليات ... طب ما يعملوه فالصيف ولا حتى في نص السنة ... إسمع كلامي - الراجل ده من أول ما جه وهو عمال يعك !!
وخلص الكلام لحد هنا ...
الإسبوع اللي فات شاءت الأقدار إني أعدي في نفس الشارع - إبتدوا "يصبوا" البردورة بتاعة الرصيف و الأكوام زم ما هية - محفروش حاجة في الأرض و لا وسعوش الشارع !
حد يفهمني بقه - دغدغوا الرصيف اللي كان زي الفل ده ليه !!!
مصيبة ليكون عشان يصبوا البردورة !
أهي حكاية صب بردورة الرصيف دى قمة الجهل و الغباء و الفساد في وقت واحد ...
الرصيف القديم كانت البردورة بتاعتة بازلت (الحجر الأسود الصلب المنقر بتاع زمان ده) ... ميزة البازلت إنه شديد الصلابة و صعب الكسر فا لما بيعملوا أي عمليات صيانة بيشيلوه و بعدين يرجعوه هوة هواه تاني ... البازلت ده كان بيجي من أسوان - بس مع نمو المدينة بقى صعب يغطوا كل الأرصفة دي من البازلت عشان مدى توافره و بعد المسافة بين أسوان و إسكندرية مثلا فا مابقاش حل إقتصادي و إستبدلوه بالبلوكات الخرسانة - المخرومة من النص دي - البلوكات دي بيصبوها في قوالب ... ده حل إقتصادي مش بنفس عمر البازلت بس أرخص و منتظمة أكتر و بتاع ...
لما بيحبوا يفتحوا حتة في الرصيف البلوكات دي كان بيبوظ واحد ولا إتنين و لا حتى عشرة مكان ما فتحوا و بعد ما يخلصوا كانوا بيجيبوا بلوكات بدل اللي باظت دي و يغيروها و الغالبية بيبقي ممكن إستخدامها تاني
نيجي بقة للرصيف اللي بيتصب خرسانة كلة ده ...
أولا - أغلى ... شدات خشب و غلبة - من الآخر ... فتحة و نصبه !
ثانيا - بتشرخ ... وده منطقي جدا لإنهم بيصبوا أي بظرميط ودي خرسانة عادية مش مسلحة !
ثالثا - قابلة للتلف بسرعة - لو عربية ناشفة دخلت في الرصيف تكسرها ... لو البردورة دى وحدات حتتخلع مش تتكسر
رابعا - مش منتظمة وشكلها وحش - ماهي مش مصبوبة في قوالب في مصنع ... دي معمولة بلدي على أبوها كده في الشارع
خامسا - غير عملية على الإطلاق عشان لما يحبوا يفحتوا فتحة صغيرة حتي لازم يكسروها مش يشيلوها زي التانية - وأكيد تكسيرها صعب جدا و بعد ما يكسروها ويدفعوا مصاريف أكثر عشان إزالتها و مصاريف تانية عشان تترمي في المقالب العمومية يجوا يدفعوا مصاريف تالتة نظير إنها تتصب تاني من أول وجديد !!
يبقى ده إسمه إيييييه ...
يا جهل - لإنهم بيقلدوا والسلام ...
يا غباء - لإنهم محدش فيهم فكر قبل ما ياخدوا القرار ده ...
يا فساد - عشان يعملوا مقاولة من لاشيء و يفتحوا خزانة المحافظة و يصرفوا بدلات و إنتقالات و حركات !
يا إمه كوكتيل من التلاتة و دي حاجة أنا لا أستبعدها !!
مبروك عليكي عريسك الخفة ... يا إسكندرية !!!!!
--------------------------------------------
البردورة: صف الحجارة اللي على طرف الرصيف - اللي بيلونوها أبيض و إسود عشان تحدد الشارع للسائقين فا ميخوشوش في الرصيف
أنا كنت يومها في حالة سكون ومصالحة مع نفسي فا عملت فيها الشاب العاقل وقولتله أكيد عاوزين يوسعوا الشارع - الواسع أصلا - أو يمدوا أي مرافق جديدة - ماشاء الله عندك ميه و كهرباء و تليفونات و غاز وصرف صحي و صرف مطر ... محدش عارف - أكيد مش حيكسروه بدون سبب
السواق رد عليا بنبرة متحفزة قائلا إنه مايظنش - وحتى لو ... حبك يعني يخربوا الرصيف في الشتا - الشارع ده كله مدارس و كليات ... طب ما يعملوه فالصيف ولا حتى في نص السنة ... إسمع كلامي - الراجل ده من أول ما جه وهو عمال يعك !!
وخلص الكلام لحد هنا ...
الإسبوع اللي فات شاءت الأقدار إني أعدي في نفس الشارع - إبتدوا "يصبوا" البردورة بتاعة الرصيف و الأكوام زم ما هية - محفروش حاجة في الأرض و لا وسعوش الشارع !
حد يفهمني بقه - دغدغوا الرصيف اللي كان زي الفل ده ليه !!!
مصيبة ليكون عشان يصبوا البردورة !
أهي حكاية صب بردورة الرصيف دى قمة الجهل و الغباء و الفساد في وقت واحد ...
الرصيف القديم كانت البردورة بتاعتة بازلت (الحجر الأسود الصلب المنقر بتاع زمان ده) ... ميزة البازلت إنه شديد الصلابة و صعب الكسر فا لما بيعملوا أي عمليات صيانة بيشيلوه و بعدين يرجعوه هوة هواه تاني ... البازلت ده كان بيجي من أسوان - بس مع نمو المدينة بقى صعب يغطوا كل الأرصفة دي من البازلت عشان مدى توافره و بعد المسافة بين أسوان و إسكندرية مثلا فا مابقاش حل إقتصادي و إستبدلوه بالبلوكات الخرسانة - المخرومة من النص دي - البلوكات دي بيصبوها في قوالب ... ده حل إقتصادي مش بنفس عمر البازلت بس أرخص و منتظمة أكتر و بتاع ...
لما بيحبوا يفتحوا حتة في الرصيف البلوكات دي كان بيبوظ واحد ولا إتنين و لا حتى عشرة مكان ما فتحوا و بعد ما يخلصوا كانوا بيجيبوا بلوكات بدل اللي باظت دي و يغيروها و الغالبية بيبقي ممكن إستخدامها تاني
نيجي بقة للرصيف اللي بيتصب خرسانة كلة ده ...
أولا - أغلى ... شدات خشب و غلبة - من الآخر ... فتحة و نصبه !
ثانيا - بتشرخ ... وده منطقي جدا لإنهم بيصبوا أي بظرميط ودي خرسانة عادية مش مسلحة !
ثالثا - قابلة للتلف بسرعة - لو عربية ناشفة دخلت في الرصيف تكسرها ... لو البردورة دى وحدات حتتخلع مش تتكسر
رابعا - مش منتظمة وشكلها وحش - ماهي مش مصبوبة في قوالب في مصنع ... دي معمولة بلدي على أبوها كده في الشارع
خامسا - غير عملية على الإطلاق عشان لما يحبوا يفحتوا فتحة صغيرة حتي لازم يكسروها مش يشيلوها زي التانية - وأكيد تكسيرها صعب جدا و بعد ما يكسروها ويدفعوا مصاريف أكثر عشان إزالتها و مصاريف تانية عشان تترمي في المقالب العمومية يجوا يدفعوا مصاريف تالتة نظير إنها تتصب تاني من أول وجديد !!
يبقى ده إسمه إيييييه ...
يا جهل - لإنهم بيقلدوا والسلام ...
يا غباء - لإنهم محدش فيهم فكر قبل ما ياخدوا القرار ده ...
يا فساد - عشان يعملوا مقاولة من لاشيء و يفتحوا خزانة المحافظة و يصرفوا بدلات و إنتقالات و حركات !
يا إمه كوكتيل من التلاتة و دي حاجة أنا لا أستبعدها !!
مبروك عليكي عريسك الخفة ... يا إسكندرية !!!!!
--------------------------------------------
البردورة: صف الحجارة اللي على طرف الرصيف - اللي بيلونوها أبيض و إسود عشان تحدد الشارع للسائقين فا ميخوشوش في الرصيف
posted by Geddo Iskandar at ٣:٤٦ ص
6 Comments:
eah ya 3am el kalam el gamed da?? akeed enta fahem w akeed ai 7ad mesh mohandes mesh fahem 7aga bas ai 7ad 3ando mana'7eer akeed shamem ri7a mesh 7elwa!! shama eah ya epi?? aiwan sa7 "FASAD"
Ya rab er7amna w a3fo 3ana w arzokna 7akem sale7....ameen
W delwa2ti maw3ed tawzee3 gawaiez mahragan el blog spot el dawli el awal:
ga2ezat asra3 comment monasafatan bain epitah w hoby:D
w mabrouk mabrouk mabrouk, mabrouk 3alekom w 3alena;)
keda ya epi :)
el mohem ana le7e2t el bronzeya tayeb..
msh 3arfa leh while reading eftakart film " '7ale el dema'3 sa7y".. kol showaya yego yekasaro el share3 benrakeb el kahraba 'howa e7na msh 3andena kahraba?!' yooo enta ya3ny hatefham aktar men el 7okoma?! ya welad hayrakebo el kahraba lolololololeeeee !!
w haloma gargar ..!
el 3enwan fe3lan gamed.. mestaneyeen part 2 :D
lool
mesh kont t2ool ma3na bardoora de fo2 fel awel... 2a3da tool mana ba2rah ba7awel akhamen!!
hwa koktail mn el talata bas ana orage7 en akbar 7aga feeh el gahl mesh aktar ya mo7taram !
la2en el 3elm noor wel sayed el mo7afez abl ma yeb2a mo7afez kan gayeb 50% fel thanwya el 3ama w 7`areeg shorta elly e7na- el mohandeseen - ben2ool 3lihom mesh byfhamo !
w ba3deen yemken ya a7`y bardooret el raseef el 7`arasana leeha dawa3y amnya e7na mehs 3arfenha !
epi:
ya sety walo mosh 2abl hoby ... ana 3amaltelkom sa3fteen 3shan ma7desh yez3al men 7ad :D
ola:
maybe u r right - bas 3arfa ... akeed fe kol branch 7ad fahem feeh 7ayla2y fasad
------------
w ba3dien law sma7ty - mate2lbysh ry7et el blog enty w epi ... lesa msaya2een :D
hopi:
part 2 w 3 kaman isa :D
3arfa madraset el mosha3`bien lama kan sa3ed sale7 kol shwaya yersem 7`at 3al "sambora" w ymsa7o tany - w haloma gargar ;)
maat:
de tel3et kelma sa3ba wana mosh 3aref :D
Anonymous :
ana 2o2ayed eno more into "gahl" bas ely by7afez 3al gahl hwa el fasad - 3shan el gahl dayman bydy million seka lel fasad !
ama b7`sos el dwa3y el 2amnya fa de 7aga mosh 7atban 3`ier m3a awel mozahrat gaya isa :S
مساء الخير ياولد ولد إسكندر
تحياتي على الموضوع ده.
ياحبيبى ماتقطعش رزق الناس المليانه دي فتح مخك وروح المولد هات حلاوه سمسميه علشان الامور تمشى
كشفت المستور والعيال كده مش حيعرفوا يشتروا الكستور لانك خليتهم ينفضحوا
سلم لي على الاسكندريه
تحياتي دائما بالتوفيق
إسكندرانى في بلاد الله الواسعه
إرسال تعليق
<< Home