عشرة على عشرة يا ريس - ضربة معلم
من كتر ما بنصدر لكل دول العالم ...وبعد ما بدأ المستثمرين يصدروا التراب بتاع الشوارع المصرية (عالي الجودة حسب التقارير الدولية اللي بتنصح ان الدول المتقدمة توسخ شوارعها بتراب شوارع مصر) ...
وبعد تقرير الحكومة اللي قلقنا اننا ممكن قريب قوي منقدرش نلاقي "بسكويت كلاب" لسد الإحتياج المحلي بسبب ارتفاع نسبة صادرتنا منه لدول العالم وخصوصا العراق ودول الخليج ...
قام الرئيس المصري بكل شجاعة في برنامج تليفزيوني على قناه عالمية مخبط في الحلل مع الشيعة (كده و كده يعني) عشان يكرهونا (ضحكنا عليهم)و يقاطعو بضايعنا (همه اللي قالو مش عاوزين) فمنصدرلهومش حاجة خالص و تبقى جت منهم و نلاقي "بسكويت كلاب" من بتاع مصنع 360للإنتاج الحربي اللي العالم كله بيحسدنا عليه نقدر نشتريه من السوبرماركت عادي خالص زي زمان قبل النهضة الصناعية اللي حصلت في الخمسة وعشرين سنه اللي فاتت واللي كانت حتحرمنا نحن أبناء مصر من خير الصناعة المصرية عالية الجودة
.
.
.
.
.
عشرة على عشرة يا ريس
http://www.masrawy.com/News/2006/Egypt/Politics/June/11/sh.aspx
posted by Geddo Iskandar at ٥:٣٩ م
3 Comments:
يعني الريس يعملكم ايه بس عشان يعجبكم..ماهو احنا هو عمالين بنبني في كباري..مش عاجب يعني..
الريس يقود البلد بحكمه من 25 سنه ..ولا هتكذب سمير رجب؟!
انت شكلك تبع المعارضه اللي مش بيفهموا حاجه دول...
يحيا يحيا حسني مبارك..يا مدلعنا يا مهنينا ...
هشتكنا وبشتكنا يا ريس ..ده انت رئيس والنعمه كويس
ok guess what...i have a friend who is a big fan for 'el rayes' bgad. we were talking one of those times about what's going on in the country and he attacked el mozahrat moooot, his exact words were "howa el rayes 3amalohom eh? da ragel ad aboohom el mafrood ye7termooh, ba2olek eh ya benty, 3a2aly as7abek elly beyetla3o mozahrat a7san w fahmeehom en keda 3eib". ma3al 3elm en elly beyetkalem dah aslan maye3rafsh ya3ny eh 3eib, heya bas el fekra eno zabet w basha and he's 'one of them' now.
ya khsartak ya M..
"سيادة" النقيب محمد ...
يا "باشا" حد جاب سيرة المعارضة !! أنا برضه مستغرب من الكلام اللي قايلينو في مصراوي ده "سيادتك"
أنا كنت "سيادتك" بس بوضح وجهة نظر الريس للناس اللي مش فاهمين وفاكرينه كبر ومش بياخد باله بيقول أيه
.
.
.
قال معارضة قال ... استغفر الله العظيم :)
إرسال تعليق
<< Home