مش فاكر

مش فاكر امتى كانت أول مرة ...
كنت أون لاين ...
فالبيت ... فالمكتب ... فالشركة ... مش فاكر ...
قريت حاجة كدة ...
عجبتني ...
فهمت التيتة ...
حلو قوي البتاع ده ...
بلوج !
مكنش بالعربي ولا لحد من ولاد العرب ...
بس عجبني ...
بعد كام شهر لقيت بلال فضل كاتب كلمة جديدة عليا ...
"مدونات" ...
فتحت الجووجل ...
"مدونات" ...
ايه ده كله !!
بقى البتاع ده سموه "مدونات" ...
من يومها و انا مبطلتش قراية ...
لحد النهاردة - كان لازم يكون فيه تغيير ...
يوم جمعة ...
بعد العشاء ...
لوحدي ...
فالقاهرة ...
اللي مش عارف اندمج معاها لسة مع اني بقالي ست شهور هنا ...
بسمع برنامج فاشل بتقدمة روبي على اذاعة مصر اليوم ...
ايه الهبل ده !
عملت البلوج ...
ومش عارف ...
حاكتب فيه تاني ...
ولا حيضيع مني ف زحمة الحياه ...