٢٨‏/٦‏/٢٠٠٦

سوبر ماركت: إكتشاف مذهل !!


ماكينة تقطيع الجبنة التركي في السوبر ماركت اللي جنبنا ديجيتال بيحوطلها الجبنة في حاجة كده زي صندوق بلاستيك شفاف و يكتب التخانة (ديجيتال) ويسبها تشتغل ...

الله يمسيك بالخير يا بكر - كنت بتتريق على الطباخ في باجوش اللي كان غايب يوم سيكشن تقطيع الجبنة :)

ملحوظة:
التدوينات من نوعية صحي ومفيد قد تستمر لحين الإفراج عن ابراهيم عيسى !!!

٢٦‏/٦‏/٢٠٠٦

الحكم بحبس ابراهيم عيسى لمدة عام


حكم بحبس مصري أقام دعوى لمحاكمة مبارك وصحفيين نشرا عنها 6/26/2006 5:39:04 PM

القاهرة (رويترز) - أصدرت محكمة مصرية يوم الاثنين حكما بحبس مواطن أقام دعوى قضائية لمحاكمة الرئيس حسني مبارك وتضمن الحكم حبس رئيس تحرير صحيفة نشرت عن الدعوى وصحفية بها.

وأصدرت الحكم محكمة الجنح ببلدة وراق العرب احدى ضواحي القاهرة الكبرى وقضى بحبس المواطن سعيد محمد عبد الله ورئيس تحرير صحيفة الدستور الاسبوعية المستقلة ابراهيم عيسى والصحفية سحر زكي لمدة سنة لكل منهم.

ويحق لثلاثتهم استئناف الحكم اذا دفع كل منهم عشرة الاف جنيه (1700 دولارا) كفالة لوقف تنفيذ الحكم.

وأقام الدعوى أمام محكمة جنح وراق العرب أربعة محامين ورجل أعمال وصاحب ورشة وعامل طالبين أقصى عقوبة لمقيم الدعوى ضد مبارك والصحفي والصحفية اللذين نشرا أنه أقامها أمام محكمة القضاء الاداري طالبا محاكمة مبارك وأفراد أسرته بزعم أنهم باعوا شركات القطاع العام بثمن بخس وبددوا المعونات الاجنبية التي حصلت عليها مصر في السنوات الماضية.

ونشرت الدستور موضوعا عن الدعوى في أبريل نيسان موضحة أن مقيم الدعوى يطالب أسرة مبارك برد 500 مليار جنيه قيمة شركات القطاع العام والمعونات الاجنبية.

ووجه المدعون للصحفيين ومقيم الدعوى ضد مبارك تهم السب والقذف والتحريض ضد الرئيس المصري والتطاول عليه واهانته.

وقال قاضي محكمة الجنح أسامة صلاح قبل النطق بالحكم ان ما نشر هو مما "الت اليه القيم والاخلاق واندثارها بين بعض الاقلام الصحفية التي ارتبطت بنشر كل ما هو هدام لمجتمع يخطو نحو الحرية بخطى ثابتة في ظل مناخ ديمقراطي."

وأضاف "القلة من أصحاب الاقلام والنفوس الضعيفة تستغل حرية النشر للاساءة للغير مثلما جاء في تلك الدعوى من اساءة واستغلال لحرية الكلمة... هذه الاقلام تعود كالسهام نحو صدر من كفل لها حرية الكلمة."

ويشير القاضي الى مبارك الذي يقول انه يؤيد حرية التعبير.

ومنذ سنوات تبذل نقابة الصحفيين جهودا لالغاء عقوبة الحبس في قضايا النشر. وقال نقيب الصحفيين جلال عارف عام 2004 ان مبارك وعده بالعمل على الغاء العقوبة وتقول الحكومة انها تستعد لاحالة مشروع قانون الى مجلس الشعب بالغائها.

ويرأس عيسى وهو في الاربعينيات من عمره صحيفة صوت الامة وهي أيضا صحيفة أسبوعية مستقلة تصدر عن الدار الصحفية نفسها التي تصدر الدستور. وعادة ما ينتقد عيسى الرئيس المصري في مقالاته في الصحيفتين.

وبدأت محكمة جنايات القاهرة في الاسبوع الماضي محاكمة الصحفي وائل الابراشي رئيس التحرير التنفيذي لصحيفة صوت الامة والصحفية بالصحيفة هدى أبو بكر بتهمة سب وقذف قاض يقول معارضون انه يحاول اسكات من يتحدثون عن تجاوزات وقعت في الانتخابات التشريعية التي أجريت العام الماضي.

ويحاكم في نفس القضية مدير تحرير صحيفة افاق عربية عبد الحكيم الشامي وجمال تاج الدين عضو مجلس نقابة المحامين. والاربعة متهمون بنشر قائمة بأسماء قضاة ينسب لهم التلاعب في نتائج الانتخابات.

وقال عيسى لرويترز في اتصال هاتفي معلقا على الحكم عليه "هذه قضية سياسية مطلوب منها الترويع والتنكيل... هذا شيء غريب ومدهش أن يكون في الوقت الذي يدعي فيه النظام أنه يؤيد حرية الرأي والتعبير."

وأضاف "القضية دليل على ضيق صدر النظام بحرية الكلمة."

وتعقيبا على أن مواطنين أقاموا الدعوى وليس مبارك أو أحد أفراد أسرته قال عيسى "هذا يسقط القضية من أساسها لان من أقاموها ليسوا أصحاب مصلحة فيها."

من محمد عبد اللاه

لا تعليق

مولد سيدي الدنمارك


النهاردة وانا راجع من السنيما دخلت سوبر ماركت فاتح جديد عندنا في الشارع ... لقيت زبدة لورباك الدانيماركية الشهيرة منورة وسط المعروضات ...
سألت الولد اللي واقف حراسة جنب التلاجة ... مش كنا بطلنا الحاجات الدانيمركي دي من كام شهر وقلنا مقاطعة !!

الواد قالي: يا بيه كله بيرجع !! - يعني كانوا حيرموها !!

صدق اللي سماه مولد سيدي الدانيمارك - انفض المولد يا سيد !!

أوقات فراغ !


لسة راجع من الفيلم ... أنا دخلته بناءا علي توصية الست هانم - بالأمانة مندمتش :)

الفيلم حلو بس لا أنصح بدخوله إلا للكبار "قووي" - يعني حد دماغه كبيرة وناضج كفايه أنه يفهم الفيلم مش يضحك زي البشر اللي كانو مليين السنيما من غير مايفهم المقصود من الكلام !!

أوسره (قصره) - أنا كنت زهئان وقلت لإيهاب متيجي نروح سنيما - قالي أوكى بس عندي مشوار في مصر الجديدة الأول وبعدين أعدي عليك ......
حصلت حوارات - المهم: روحت لوحدي :)

بما إني خلاص بقيت متعود اني أدخل سنيما لوحدي فا مكنتش مستغرب التجربة

الفيلم بقى عالسريع:

1 - إختيار اسم الفيلم أكثر من موفق - ميه ميه يعني
2 - الفيلم عرض لحالة مش مشكلة بيقدملها حل
3 - مش دول كل شباب مصر على فكرة - لكنها شريحة موجوده يعني - عشان الناس متنصبش المشانق للشباب ولا للمؤلف والمخرج
4 - الممثلين - خصوصا الولاد - ممتازين ... حازم وأحمد حيطلع منهم شغل جامد قوي
5 - شخصية مي نموذجية وواقعية - تحسها حد تعرفه
6 - أسباب الإنحراف بإختصار بدون ترتيب :انشغال الأهل (حازم) - التفكك الأسري (عمرو) - غياب لغة الحوار (أحمد) - الأموال الزائدة بدون حساب (حازم) - الصحبة السيئة (أحمد وعمرو) - البعد عن الدين (حازم وأحمد وعمرو) - مساحة الحرية المبالغ فيها (منة وحازم)
7 - شعرت أن المؤلف أو المخرج لهم تحفظات على عمرو خالد
8 - نهاية الفيلم واقعية جدا للأسف !
9 - الرقابة المفروض يكون فيها حد تحت الخمسين لأنهم في كلمات مفهموهاش عشان مكانتش على أياميهم ... عيبة قوي انك تسمع شتايم قبيحة عيني عينك كدة - وأصوات قبيحة كمان

ملحوظة هامة جدا:
بنات هندسة مش كلهم غفر -أنا خاطب مهندسة ... متودوناش في داهية

٢٤‏/٦‏/٢٠٠٦

حدث بالفعل: س.ح.م



يوم الخميس اللي فات وانا نازل اسكندرية ركبت القطار الأسباني بتاع الساعة ستة مساءا اللي المفروض يعني يوصل الساعة تمانية وربع سيدي جابر ...
القطار ده مباشر لإسكندرية ... مش بيوقف و تكييف بقى و حاجة دلع

لحد كده و مية مية ... القطر أفندي وصل رصيف المحطة ستة إلا عشرة ... ممم وماله - مش لازم يبقى بايت من امبارح يعني مستني حضرتي !!
الجو طبعا كان شدييييييييد الحرارة والناس عالرصيف واقفة مستنين القطار المكيف بقى يصبرهم لحد منوصل لإسكندرية الجميلة :)

قعدنا ...

القطر بدأ يتحرك ...

الجو لا يطاق ...
الجو جوه القطار حر أكتر من بره - القطر مفيهوش شبابيك بتتفتح إكمنه مكييف - وماله ... دلوقتي يشتغل

الموضوع طول ...

الساعة 18:15

رئيس القطار بيشوف التذاكر ...
رئيس القطار: تذاكر يا أستاذ
أنا: هوة مش المفروض ان القطار ده مكييف !
رئيس القطار: أيوه يا بيه - بعتنا نجيب فني التكييف !
أنا: طب والنبي لحسن اتسلقت
رئيس القطار: تذاكييييير !

الساعة 18:45

عامل البوفيه: شاي نيسكافيه سندوتشات حاجة ساقعة عصير ...

أنا: لوسمحت
عامل البوفيه: أؤمر يا بيه
أنا: التكييف !!
عامل البوفيه: بيصلحوه أهو
أنا: بقالنا ساعة إلا ربع ... أنا استويت
(صيحات تأييد تتتعالى غاضبة من الركاب المجاورون)
عامل البوفيه: يا بيه ده انت مشفتش العربية اللي قبليكم ...
أنا: يعني أحمد ربنا وأبوس أيدي شعر ودقن

الساعة
19:00

فراش من فراشين القطار يتسكع في العربية
أنا: يا أخ ...
الفراش: أيوه يا باشا
أنا: أنا اتنبح صوتي عشان التكييف - أنا عاييز رئيس القطار ده أو المسئول عن المهزلة دي ... حرام عليكو !
الفراش: يا بيه والنبي دي رابع مرة الإسبوع ده !!!!

الساعة 19:30

ريحة العرق وكمية الهدوم اللي اتقلعت ... يععععععععععع
الفراش: رئيس القطر يا بيه
أنا: اللي بيحصل ده تهريج - انتو بتعاقبونا يعني ... خلاص حنفطس !
رئيس القطار: ....
أنا: رد عليا - اتصرف ... مش انت المسؤل هنا
رئيس القطار: ....
أنا: طب لو أنا عايز اشتكي - اشتكي ميين ... ولا اشتكي لمين بعد ربنا !!
رئيس القطار: أنا حكتب تقرير بالواقعة دي .

الساعة 20:15

تدافع شديد عند ابواب القطار - بعض السائحين بوجوه محتقنة - مجموعات من الركاب مستنده على سور المحطة تتنفس الصعداء !

حسبي الله ونعم الوكيل

٢١‏/٦‏/٢٠٠٦

What Kind of Soul Are You?

You Are a Hunter Soul

You are driven and ambitious - totally self motiviated to succeed
Actively working to acheive what you want, you are skillful in many areas.
You are a natural predator with strong instincts ... and more than a little demanding.
You are creative, energetic, and an extremely powerful force.

An outdoors person, you like animals and relate to them better than people.
You tend to have an explosive personality, but also a good sense of humor.
People sometimes see you as arrogant or a know it all.
You tend to be a bit of a loner, though you hate to be alone.

Souls you are most compatible with: Seeker Soul and Peacemaker Soul

عممميييييي !! - حمدالله عالسلامة يا ريس :)


امبارح الدي إس إل كان متنيل معلق معرفتش أكتب اللي كان محشور في زوري ... بس وماله، نكتب برضة - ده حتى الأكل البارد ليه طعم يعني


امبارح علاء خد إفراج ... إفراج مش براءة - بس الحمد لله على كل حال - مش طالبه مرمطة أكتر من كده
مبروك يا منال وربنا ميفرقكو تاني ابدا انشاءالله

لحد هنا أنا قلت الكلام اللي الكل بيقوله ... نيجي بقى للكلام اللي مكنش يصح أكتبه طول ما علاء محبوس ... رأيي في موضوع حبس علاء بالذات !

علاء واد جدع من سني مهتم قوي باللي بيحصل في البلد وغيران عليها ... يمكن أكتر من ناس كتيير - بس أنا كنت بضايق أحيانا كتير وانا عالبلوج بتاعه (اللي مبيعديش يوم من غير ما افتحه على فكرة) لما بلاقي الناس قاعده تشتم بألفاظ جامدة قوي - سواء بيشتموا الريس والحكومة أو بيشتموا بعض !

آه لازم يكون فيه حرية تعبير لكن مش كده !! الحرية الشخصية لاتشمل حرية التعدي على الآخريين ... ومش من الليبرالية انك تنشر كلام واحد بيشتمك انت ومراتك وكل أهلك - ولا أيه ؟

أينعم تهمة اهانة الرئيس دي تهمة هجص في هجص - بس هيه هجص عشان فيه حاجة اسمها الإهانة بصفة عامة مش شرط الريس ...

زماااااااان أيام مكنا عيال صغيرة كان فيه برنامج اسمه البرلمان الصغير - كانت "ماما" سوزان ساعتها بتطلع تقول على ما اتذكر يعني :"الديمقراطية مش بس انك تقول رأيك لكن انك تستمع للرأي الآخر" ...

أنا بقى أحب أضيف (زي سرحان عبد البصير) وانك تحترم الرأي الآخر و تحترم حرية الآخرين - وحرية الآخرين يعني منجرحش الآخرين دول تحت مسمى الحرية الشخصية

أنا بحترم علاء لكني أختلف معاه في مفهوم الحرية

علاء ... حمدالله عالسلامة - ويلكوم باك يا معلم
نورت بيتك (البلوج سفير) ... ومستني أول بوست بعد العودة :)

١٩‏/٦‏/٢٠٠٦

Weapons



"I'm all in favor of keeping dangerous weapons out of the hands of fools. Let's start with typewriters."

- Frank Lloyd Wright (1868-1959)



الراجل ملحقش الكيبورد - كان حيقول أيه لو شاف اللي بكتبه ده

حضرتك مهندس بجد ؟


هو: حضرتك مهندس بجد ؟
أنا : ....؟
هو: ... أصلك فاهم قوي
أنا : :)
أنا : أيوة مهندس
هو: لأ أقصد مهندس خريج كلية الهندسة يعني
أنا : أيوة - أنا مهندس معماري خريج قسم عمارة فكلية الهندسة
هو: أنا أسف عالسؤال يعني - بس أصل كل يوم آقابل حد يقولي بشمهندس ويطلع فالآخر دبلوم زراعة !!


ملحوظة:
هو = استاذ دكتور في كلية الطب

١٨‏/٦‏/٢٠٠٦

الناس خيبيتها السبت والحد - والزمالك خيبته ماوردتش على حد


اقرا الحادثة ... اقرا الحادثة ...

طب شوف الحادثة ... شوف الحادثة ...

:D

هييهيئ :)

على رأي المثل ... الناس خيبيتها السبت والحد - والزمالك خيبته ماوردتش على حد

اللهم لا شماتة

loooooooooool

في رثاء الترغيب - "ولا انت مابتجيش غير بالشكاليتة !!"


عزيزي عم أيوب،

أكتب إليك بالفصحى على غير عادتي لأنقل لك نبأ حزينا - قواعد اللياقة تحتم علي الإلتزام بلغتنا الأم عند المصائب - هكذا علمتني منذ عقود ...

أعلمك بوفاة ذلك الصديق العجوز الملقب ب "الترغيب" بين يدي مثخنا بجراح سعيت جاهدا أن أداويها ...

صديق آخر سقط !

لم يعد هناك من يأتي "بالشكاليتة" في هذا العالم ... لم تعد هناك جدوى للترغيب - فقط الترهيب ثم الترهيب ثم الترهيب !

عزيزي عم أيوب ...
للمرة الثالثة هذا الإسبوع أفشل في الإعتماد على الآخرين لإتمام عمل ما ... هان هذا العمل أو عظم ... حتى ضاقت بي السبل ...

لم يعد في جعبتي إلا الترهيب الذي لطالما بغضته !

نعم ... الترهيب

تعلم بغضي دفع الناس مكرهين نحو ما أريد ...
.
.
.
أتذكر لومك لي على أوقات ضاعت في محاورات كنت لا ترى لها داع ...
.
.
.
أعلم ما ستقول لكني كرهت أن أكون معول آخر من معاول ذلك اللئيم ...

أغيثني يا عم أيوب ...

من قتله ... من قتل صديقنا ...


المخلص دائما،
- جدو اسكندر

١٦‏/٦‏/٢٠٠٦

Acknowledgement : esmy maktob ... taaayeb !


This project's program has been a challenging, exciting, stimulating, frustrating, and (at times) overwhelming experience. As with anything of this magnitude, it is the support, encouragement, and concrete feedback that makes graduation a reality. In this regard, I want to thank all my family, friends, colleagues, teachers and my fiancé who wrote this acknowledgement.


From mahmoha's graduation project report.

١٥‏/٦‏/٢٠٠٦

الفقي: لم نقصر في إذاعة مباريات كأس العالم

القاهرة - أكد أنس الفقي وزير الإعلام ان اتحاد الإذاعة والتليفزيون لم يقصر في مفاوضاته لنقل مباريات كأس العالم علي الهواء واتفق مع الشركة المسئولة عن حقوق بث المباريات منذ عامين كما تم التوصل لاتفاق بالحصول علي حقوق البث علي القنوات الأرضية مقابل 9 ملايين يورو، الا ان الاتحاد فوجيء بعد أيام بإعلان تعاقد الشركة مع شبكة راديو وتليفزيون العرب دون الرد علي عرض اتحاد الإذاعة والتليفزيون.

جاء ذلك في رده علي بيان عاجل في جلسة مجلس الشعب أمس حول عدم إذاعة مباريات كأس العالم في التليفزيون المصري.

وأضاف الوزير ان شراء حقوق بث المباريات كان يتطلب دفع 144 مليون جنيه وهو ما يعادل بناء 144 مدرسة ابتدائية أو 288 وحدة صحية أو 4 جامعات جديدة، وأن قرار الموافقة علي دفع هذا المبلغ كان قرارا سياسيا بالأساس

وأضاف إن المسئولين بالاتحاد لم يكونوا متأكدين من استرداد هذه المبالغ من عائدات الاعلانات، وأنه لو تمت الموافقة علي ذلك ، حسبما ذكرت جريدة الأخبار.



هوة مش اليورو بسبعة جنية - ولا علشان محدش بيعد ورا الحكومة - تسعة مليون يورو يعملو حسبة 65 مليون جنية مش 144 مليون جنية
!!

.

.

.

أنا مليش فالكورة - بس بصراحة لو كنا دفعنا الرقم ده من الميزانية المخرومة بتاعتنا دي عشان نشوف كاس العالم كنا بقينا شعب هايف هايف يعني!

الحمدلله جت سليمة

وبعدين أظن انه عدم إذاعة مباريات كاس العالم حتقلل من الخسارة الشهيرة بسبب تزويغ الناس من أشغالهم عشان يتفرجوا!!

آخر حاجة بقى ... مين العضو الكوول اللي سايب كل البلاوي الي مالية البلد دي ورايح يسأل في مجلس الشعب عن نقل مباريات كاس العالم صدق اللي قال - ونعم النواب نواب الشعب

استغفر الله العظيم يارب :(



عارف جاليري "تاون هاوس" اللي في وسط البلد ... وحش متجيبش منه !!!

أول امبارح نزلت وسط البلد استمشى حبتين - كنت حاطط فالمحفظة من مدة عنوان جاليري للفن الحديث كان فيه مدونة مشكرة فيه لدرجة اني قولت ده أكيد جنة الفنانين في الأرض ...
ولأني ساذج وطيب وعلى نياتي ... ولأني بعتبر نفسي من ذواقي الفن لحد ما - قررت اني أروح استمتع بأمسية ثقافية و اعمال لفنانين مصريين معاصرين ...

طبعا الوصفة سهلة ... من ميدان طلعت حرب لمحمود البسيوني لشامبليون لشارع ضيق اسمه نبراوي لحارة أضيق فيها جراج

أيوة أيوة
هناك !

المشهد الأول:

حارة ضيقة ... نظيفة لحد كبيير ... نجار "أويمجي" عاليمين تحت بلكونة ... اتنين زنوج متأمركين على باب عالشمال - عربيات شيك في جراج عاليمين لا تتناسب مع جو المكان ! ومبني عالشمال معترض مسار الحارة ... هوه ده الهدف !

كان فيه ثلاث أبواب - واحد في الوش مكتوب عليه "شوب" يعني محل :) - والتاني أول شمال مكتوب عليه "جاليري" - والثالث جنب التاني ... جراج أو مخزن قديم وفيه ناس زي اللي في حصة الأعمال الفنية في تالتة ابتدائي :)

دخلت الجاليري ... واضح انه مخزن قديم - مطلي طلاء جديد - متواضع لكن نظيف ... الأرض معمولة تستيكة اسمنت ... شوية "أعمال" متعلقة عالحيطان ... إضاءة قوية جدا - الجو حر - سوء تهوية مرعب ...
فرن بلدي يعني !

أغلب الأعمال عبارة عن إزاي تعمل عروسة من ورق الجرايد - علب السجاير - سلك المواعين - خيش - زبالة !

المشكلة اننا لو جبنا طفل في تانية ابتدائي مش حيعجبة أي عروسة من دول - ولافيش أي نوع من الفن أو الدلالات فالي متعلق ده - واضح إن الناس دي فاكرين الفن هبل فالجبل ويلا محدش فاهم حاجة !

وبعدين الحاجات دي معروضة للبيع ... يا سلام؟؟؟
أها ... بس كدة ... دي نصباية يا معلم :) ... العروسة الواحدة تتراوح ما بين 150 و 400 جنية !! - ومفيهاش خامات بأربعة جنية!! و لا فن بربع جنيه - ومتاخدش خمس دقايق شغل !


كان قاعد عالباب واد شكلو كده "دبلون" العيال عاملينو سيكيوريتي ... لما اتأخرت أنا و صحبي جوة دخل ورانا لنكون بنخرب الفن اللي مبهدل الحيطان ده :)

خرجنا تاني للهواء !!

المشهد التاني:

صينية مدورة بلاستيك لونها أحمر عليها طبق فول بالزيت و كام رغيف عيش و طبق مخلل - محطوطين على عتبة الباب اللي مكتوب عليه "شوب"

دخلنا ... مكان صغير نسبيا ... الأرض بلاط أسمنتي ... الطلاء أظنه كان أصفر ... نفس الإضاءة المستخدمة سابقا بس التهوية أحسن كتيير - زإن كانت ماتزال سيئة !

كراكيب متعلقة عالحيطان و مجلات لامضمونية ... المحل بيخاطب السياح على ما يبدو من الحاجات المعروضة ...
أبرز المعروضات مجموعة "فانلات" اسمها " بلدى "
والله والحق يقال ... بيئة بيئة يعني ... تخيل نفسك لابس "فانلة" صفرا صفرا ... وعليها إعلان شاي العروسة ... ولا "فانلة" خضرا عليها إعلان "بيمبو" ... الواد المعاق بتاع السبعينات ده وهوه بياكل البسكويت الأشهر في مصر فالعقدين الماضيين !

بس وللأمانة كان فيه شوية صور فتوغرافية عالشمال فالنص ... اللي مصورها - لو مش سارقها - فنان ... أغلب الأعمال الفتوغرافية حلوة على فكرة و ان كان فيه كتير مكرر - كذا زاوية لنفس الشيء بدون مالزوايا الجديدة تضيف أي حاجة !




باب ضيق يؤدي للفراغ الثالث ...

المشهد الثالث:

مخزن أو جراج قديم ... محاولات لمجموعة من الهواة للإنتساب للفن ... ترابيزات متهالكة في المنتصف ... ناس قاعدة تشخبط هنا و هناك ... بنت محجبة شكلها محترم قاعدة تعمل عروسة خيش بمسدس بلاستيك وانهماك شديد !

واحد قاعد يرسم يجي 4 لوح في وقت واحد منهم واحدة "باننر" - لوح ابلاكاش رفيع و طويل وقاعد يرسم وشوش بألوان من علب طلاء ! بس واضح انه مكتر "التنر" علشان الورق بايش ومضعضع قوي ...

أول مرة أشوف فنان عامل خط انتاج لوح :)

قبل باب الخروج واحد سايب لوحة تنشف ... بورتريه لسيدة عجوز نقلا عن صورة فتوغرافية لاتشبهها بالمرة !

... أفتكر واحنا في سنة أولى رسمنا بورتريه برضه من صور شخصية ... كان أغلب الأشخاص المرسومين بيطلعوا قرايب الناس اللي فالصور فالآخر ! - الواد ده محتاج د.ابتهال علشان تديله -2 من 10 علشان اللي عمله ده إهدار لفلوس أهله اللي جابوله اللوحة والألوان :)

المشهد الرابع:

واضح ان البلكونة اللي فوق النجار تبعهم ... بس مش طالع - مش طالبه اشتغالات !!

١٤‏/٦‏/٢٠٠٦

يفعل الله مايريد خيرا


ليه لما بنقصر في أداء واجباتنا ومسؤلياتنا بنقول ربنا مأردش !!
طبعا كل حاجة بمشيئة ربنا ... بس نشتغل ... نعمل اللي علينا !!

النهاردة كان في شخص عزيز عليا جدا مكلف بأداء مهمة بقاله كذا شهر - تقاعس فيها ... اعتمد على رصيد شخصي ليه عند مجموعة ناس ... الناس دول خذلوه ... يعني بالتبعية هوة خذل اللي كان مكلفه بالمهمة دي !!

الموضوع كان ممكن بكل سهولة ... بس ...........

مش عارف بقى ...

أنا مخنوق ...


أستغفر الله العظيم يارب :(

Tagged Again :D


MAAT !! ... bardo mosh da el tag ely mestanyh ;)

4 Jobs I've Had in My Life..

1. Private graphics instructor
2. Architect Engineer
3. Planning Engineer
4. Manager :S


4 Movies I Could Watch Over and Over...

1. French Kiss.
2. You’ve got mail.
3. Addicted to Love.
4. City of Angels
(eda homa kano 2arba3a bas :S)


4 Places I've lived...

1. ALEXANDRIA.
2. Architecture Department - Faculty of Engineering :D
3. Cairo.
4. Badawar 3ala sha2a egar gded el youmen dol agawez fyha law 7ad 2odamo 7aga ya3ny :P


4 TV Shows I Love to Watch...

1. Friends.
2. Osama anwar 3okashas' men 4 years min
3. --------- (3ola btshofly kol el medical
series)
4. --------- (mama btshofly kol el arabic
series)


4 Places I've Been on Vacation...

1. Matroh
2. Ismailia
3. North Coast
4. Alexandria - recently after moving to Cairo :(


4 Websites I Visit Daily...

1. Masrawy
2. Egyptian Blogs aggregator at Manalaa
3. Misrdigital - El wa3y el masry
4. Mails (work mail - my official mail - personal mail)


4 Places I'd Rather be Right Now...

1. 3al ba7r f ba7ary 3and el qal3a (also called home sickness)
2. Italy - Venice
3. France - country side
4. Morocco - El Dar El Bieda


4 Bloggers I'm Tagging...

1. Mohamed 7abib
2. Heba
3. Gehad (again)
4. Mahmoha - lama tefta7 blog :D

١٢‏/٦‏/٢٠٠٦

To maat


ستنا معت هانم ردت على آخر بوست ليا ... جيت أرد عليها لقيت الرد أطول من البوست ... قولت أعمله بوست وأمري لله ...

Maat Said:

ok guess what...i have a friend who is a big fan for 'el rayes' bgad. we were talking one of those times about what's going on in the country and he attacked el mozahrat moooot, his exact words were "howa el rayes 3amalohom eh? da ragel ad aboohom el mafrood ye7termooh, ba2olek eh ya benty, 3a2aly as7abek elly beyetla3o mozahrat a7san w fahmeehom en keda 3eib". ma3al 3elm en elly beyetkalem dah aslan maye3rafsh ya3ny eh 3eib, heya bas el fekra eno zabet w basha and he's 'one of them' now.

ya khsartak ya M..


معت ...

المشكلة الحقيقية حاليا هم المستفدين من الفساد زي صاحبنا ده ...

أضربلك مثل :
أنا كنت شغال في مكتبة إسكندرية من يجي سنة ونصف كدة - قعدت هناك لمدة سنة
مكتبة اسكندرية مثال مصغر لمجتمع المستفيدين من الفساد - الإجور هناك مبالغ فيها جدا بالنسبة لمؤسسة خدمية غير منتجة - يعني يكفيكي انك تعرفي ان عدد الموظفين هنال 1100 (ده أيام ما مشيت من سنه و نصف) بتبتدي الإجور من 92 ألف جنيه مرتب شهري لمدير المكتبة لحد 2200 جنيه مرتب للمهندس الكمبيوتر حديث التخرج !!
داخل التسلسل الوظيفي فيه ناس مش بتعمل حاجة أصلا وبتاخد ما يتراوح مابين 2000 و 5000 جنية في الشهر
مع زياده سنويه ثابتة لاتقل عن 15 % من الراتب الأساسي... علما بأن الراتب كان كله أساسي! - صباح التضخم يعني !!


أيام ماكنا فالمكتبة كنا بنلعب لعبة ماذا لو؟

لو "بابا"حسني مشي ... "ماما" سوزان حتمشي...

حيجي بابا تاني و ماما تانية ...

ماما الجديدة حتكرش مدير المكتبة !

مهو د سراج الدين مدير المكتبة اللي سانده ماما سوزان ...

يعني حيطير د سراج و يجي سراج غيره!

طب د سراج هوه اللي معين الناس بتوعوه رؤساء قطاعات ... اللي معينين الناس بتوعهم رؤساء ادارات ... اللي معينين الناس بتوعهم مديرين وحدات
يعني كل واحد مسنود على اللي قابله في التدرج الوظيفي ...

يبقى لو حصل انتخابات ... مش آدي 1100 مواطن مستحيل يقولوا إلا نعم لمبارك!

صديقك ده "ياعيني" مستفيد من الفساد - فإيده سلطة غاشمة وبقى "باشا" في يوم وليلة ... تفتكري حيكون أيه رأيه !!

ربنا يستر علينا من المستفيدين من الفساد - الفساد سهل القضاء عليه بشوية مجهود لو مكانش له جنود يدافعوا عنه :(

الموضوع محتاج حد عنده ضمير - يقول أنا مش بشتغل شغل يستاهل آخد ده كله ... يقول أنا مش بعمل حاجة للبلد

فاكره الباشوات قبل الثورة ...
كانوا نوعين ...
الأغلبية مستفيدة من الفساد و الملكية والإحتلال و دول كانوا متحزبين للقصر - والنوع التاني كانوا بيدعموا المقاومة وبيحبوا البلد ... ودول كانوا شوية صغيرين

بس مع ذلك حصل تغيير !!

أدينا بنقول ... كل اللي نقدر عليه اننا نقول و نعرف اللي ميعرفش
ونناقش اللي مستعد يسمع ...

وربنا يكرمنا ونلاقي الناس اللي عندها ضمير ومستعدة تتخلى عن الإمتيازات اللي بتحصل عليها في ظل الفساد سعيا للحصول على نفس الإمتيازات - بس بطرق شرعية و حلال !!

أما "إم" باشا - حضرت الظابط ... في حواليه ناس برضه مش عاجبهم :)

سمعتي عن حركة "ضباط من أجل التغيير" ؟ - ميين عارف!!

وعلى رأي عمنا صلاح جاهين:

أنا كنت شيء وصبحت شيء ثم شيء
شوف ربنا قادر على كل شيء
هز الشجر شواشيه ووشوشني قال
لابد ما يموت شيء عشان يحيا شيء
عجبي

١١‏/٦‏/٢٠٠٦

عشرة على عشرة يا ريس - ضربة معلم

من كتر ما بنصدر لكل دول العالم ...
وبعد ما بدأ المستثمرين يصدروا التراب بتاع الشوارع المصرية (عالي الجودة حسب التقارير الدولية اللي بتنصح ان الدول المتقدمة توسخ شوارعها بتراب شوارع مصر) ...
وبعد تقرير الحكومة اللي قلقنا اننا ممكن قريب قوي منقدرش نلاقي "بسكويت كلاب" لسد الإحتياج المحلي بسبب ارتفاع نسبة صادرتنا منه لدول العالم وخصوصا العراق ودول الخليج ...
قام الرئيس المصري بكل شجاعة في برنامج تليفزيوني على قناه عالمية مخبط في الحلل مع الشيعة (كده و كده يعني) عشان يكرهونا (ضحكنا عليهم)و يقاطعو بضايعنا (همه اللي قالو مش عاوزين) فمنصدرلهومش حاجة خالص و تبقى جت منهم و نلاقي "بسكويت كلاب" من بتاع مصنع 360للإنتاج الحربي اللي العالم كله بيحسدنا عليه نقدر نشتريه من السوبرماركت عادي خالص زي زمان قبل النهضة الصناعية اللي حصلت في الخمسة وعشرين سنه اللي فاتت واللي كانت حتحرمنا نحن أبناء مصر من خير الصناعة المصرية عالية الجودة
.
.
.
.
.
عشرة على عشرة يا ريس
http://www.masrawy.com/News/2006/Egypt/Politics/June/11/sh.aspx

١٠‏/٦‏/٢٠٠٦

Me, myself & I


أحيانا بتعدي عليا أيام ببقى بدور على"كلون توول / دوبليكيت ليار" في حياتي ... زي اللي فالفوتوشوب - ببقى عاوز أنشطر لتلات بني آدمين علشان ألحق أخلص "ماي هوم ويرك" !!

.
.
.

حد معه "كاتتر" طيب ؟

٩‏/٦‏/٢٠٠٦

Tagged :D

yasalam yawlad - i'm tagged - alshokr wal qaraben lel 2aleha maat zenet 2alehet ganob el wady w tag rasna kolena :D (7abet bakash brob3 gneeh :P )


افتح أقرب كتاب اليك , على الصفحة 18 , سطر 4
starting with the point as the prime generator of all form

مد ذراعك اليسرى قدر ماتستطيع
mogawharat mohamed abdel salam bag with a souvenir inside (from mahmoha when she was in aswan)

ما اّخر ماشاهدته على التلفزيون
part of a movie:3arees men geha 2amnya

بدون أن تسترق النظر , تكهن كم الساعة
6:30 PM

والاّن ..كم الساعة فعلا
6:26 PM

باستثناء صوت الكمبيوتر .. أي صوت تسمع؟
my noisy fan in alex - mama commenting on some arabic TV series she's watching now - 3ola reading some part of belal fadl in el dostor for me :D

متى خرجت من المنزل للمرة الأخيرة ؟ ماذا كنت تفعل؟
4 hours ago - i went to pray then to the hair dresser (allah yen3em 3aliko)

قبل مباشرتك هذه الأسئلة أي موقع كنت تتصفح؟
my mail (maat telling me that i've been tagged)

ماذا ترتدي الاّن؟
some cotton sports wear lono pruple (7elw walahy)

هل حلمت ليلة أمس؟
yeah - bas mosh faker 7aga meno now !!

متى اّخر مرة ضحكت؟
today after lunch when i was teasing & being teased by my youngest aunt on phone (tant hoda)

ماذا فوق جدران الغرفة حيث تجلس؟
A big frame with "asma2 allah al 7osna" & another small one with a verse from soret al nour

هل لاحظت شيئا غريبا مؤخرا؟
i talk about politics every where :S

مارأيك في هذا الاختبار؟
glad - it's my 1st time to be tagged ... ana kan nefsy fe tag tany keda, law et2a7`ar i'll tag myself :D

مااّخر فيلم شاهدته؟
ICE AGE 2 i think - b2aly moda ma7`altsh cinema :S

اذا أصبحت فاحش الثراء فماذا تشتري؟
umm - agyb sha2a 3al ba7r fe alex fe 3emara 2adema ... ta7dydan ma ben el manshya w ba7ary :D

أخبرني شيئا أجهله عنك
ektashaft this weekend eny ba7eb mama 2awy le darga makontsh at7`ayalha ...

اذا كان بامكانك تغيير شيء واحد في العالم بغض النظر عن المعاصي والسياسة فماذا تختار؟
i'll return the men nephthys just turned into females back to be men :D

لو كان وليدك الأول فتاة فماذا تسميها؟
malak

لو كان وليدك الأول صبيا فماذا تسميه؟
mohab

هل تفكر يوما في العيش بالخارج؟
to visit, ah ... sure - to live, noway ... w 2aseb masr 7abebty lmen :D

ماذا تتصور أن يقول لك الله عندما تقف بين يديه ؟
7aybosly bnazret 3etab bas b2ebtesamet 2ab 7anon


passing it to:
gehad, heba, mohamed habib, mahmoha law 3amlet blog :D

الحرامي و البلطجي - رؤية !!


الحرامي:بيسرق
البلطجي:بيسرق و يغتصب

الحرامي:خايف - بيسرق بليل في الضلمة
البلطجي:بجح - بيسرق بالنهار في "عز" الضهر

الحرامي:"كان في يوم من الأيام" شخص عادي
البلطجي:كان في يوم من الأيام "حرامي عادي" - وعجبي !!

٧‏/٦‏/٢٠٠٦

أكيد عاملين عاملة !!

امبارح وانا على كوبري أكتوبر لاحظت عساكر كتيير متنطورين كل كام متر كده ... شوية لابسين مدني و شوية بالزي العسكري ... و كام ظابط عند الطلعات و المنازل الرئيسية ...
سألت السواق - هوة في أيه؟
قالي:أكيد عاملين عاملة -ماهو الحرامي كده ... دايما بتلاقيه خايف !!

٦‏/٦‏/٢٠٠٦

حريق بأحلى مستشفى حكومية في مصر :(

اندلاع حريق بمستشفى الشاطبى للاطفال بالاسكندرية 6/6/2006 12:13:00 AM

الاسكندرية-أ ش أ-شب حريق فى مستشفى الشاطبى للاطفال بوسط مدينة الاسكندرية ، مما أسفر عن مصرع طفلين وإصابة 11 طفلا أخرين باختناقات .

وكان العميد شعبان الحلموش مدير ادارة شرطة النجدة بالاسكندرية قد تلقى بلاغا باندلاع حريق بالطابق الثانى بمستشفى الشاطبى للاطفال ، بسبب سقوط شمعة احدى الحضانات التى يتم وضع الاطفال حديثى الولادة بها .

وتمكن رجال الاطفاء من السيطرة على النيران واخمادها قبل امتدادها لباقى الاقسام بالمستشفى .. وقد انتقلت قيادات مديرية امن الاسكندرية وخبراء الادلة الجنائية لموقع الحريق ، لاجراء المعاينات اللازمة وتحديد سبب الحريق .. كما اخطرت النيابة العامة للتحقيق فى الواقعة وتحديد المسئولية الجنائية عنها.

وقد تم نقل المصابين لمستشفى الانفوشى واحدى المستشفيات الخاصة لعلاجهم وتقديم الاسعافات اللازمة لهم


مش عشان أنا اتولدت فيها ...

مش عشان دي مستشفى أطفال ...

لكن حرام - الفساد والإهمال دول حيوصلو لفين بعد كدة!


حسبي الله و نعم الوكيل :(

٥‏/٦‏/٢٠٠٦

كيف يشكو من الظما - من له هذه العيون


جفنه علم الغزل ومن العلم ما قتل

فحرقنا نفوسنا في جحيم من القبل

ونشدنا ، ولم نزل ، حلم الحب والشباب

حلم الزهر والندى حلم اللهو والشراب

هاتها من يد الرضى جرعة تبعث الجنون

كيف يشكو من الظما من له هذه العيون

يا حبيبي ، أكلما ضمنا للهوي مكان

أشعلوا النار حولنا فغدونا لها دخان

قل لمن لام في الهوي ، هكذا الحسن قد أمر

إن عشقنا ... فعذرنا أن في وجهنا نظر


جفنه علم العزل

كلمات : الاخطل الصغير

وحشتيني ...

وحشتيني ...
عشر تيام مشوفتكيش ...
خلاص - أعراض الإنسحاب مبهدلاني ...
هوه ممكن حد يدمن "حد" ...
أنا أظن كده ...
دلوقتي لما عرفت أنك مش حتقدري تيجي بكرة تزوريني زي ماكنا متفقين ...
حسيت بإحباط شديد ...
أمل بيتكسر ...
إمتى يجي يوم التلات ...
قطار الساعة سته ...
أرجع و اشوفك ...

بحبك - وحشتيني :(

٤‏/٦‏/٢٠٠٦

حدث بعد خمسين عاماَ - مسرووق

معرفش مين التحفة اللي مألف ده - جالي عالميل بس على رأي المثل ... لاكتيويل - أي لايك إت :)


بريد الأهرام

يعد الصفحة : تامر عبد الوهاب مطاوع

حدث بعد خمسين عاماَ

(الجزء الأول)

أنا يا سيدى من أتى عليه الدهر وجار، فقد تجاوزت الثمانين باشهر قليلة، ولم يتبقى لى الكثير، وأشعر وأنا أودع الدنيا أن هناك هما وكأنه الجبل على كتفى، وأخشى لقاء ربى، وكم أنا مدين لملايين المصريين، وأسال الله المغفرة والصفح منهم جميعاَ، فقد نشأت فى أسرة من علية القوم وكان أبى حاكماَ لمصر على مدى 22 عاما حتى عام 2005 . وتربيت فى أحضان أبى الحنون العطوف الذى لم يدخر جهدا فى اسعادنا أنا وشقيقى وأمى رحمة الله عليهما.

وأتذكر وقت أن تولى أبى حكم مصر و (كان اسمها جمهورية مصر العربية وقتئذ) وكنت وقتها صبيا فى الثانية عشرة من العمر، ويكبرنى أخى بعامين. وكم كانت الدنيا جميلة والحياة حلوة، والعلاقات طيبة بين الناس، والخير يسود البلاد، فلا أذكر أننى طلبت شيئا من أى مصرى ورفضه، بل على العكس كنت أطلب نصف المليون من أى مستثمر، فكان يعطينى عن طيب خاطر مليونان أو ثلاثة، وكان أبى يغرس فينا حب العطاء بالمقابل، فكان يتأكد بنفسة أننى رددت الجميل للمستثمر فى شكل تسهيلات، وكانت أمى بإبتسامتها الرقيقة بعد كل صلاة تشاهدها فى التليفزيون تدعى لنا بزيادة عدد المستثمرين.

وقد كان أبى يعود فى المساء من ديوان الرئاسة وتستقبله أمى بإبتسامتها الرقيقة، وتعد له طعام العشاء ونجلس بعد العشاء مع أبى وأمى وأخى نتسامر ونتجاذب أطراف الحديث، ويحكى لنا أبى ما لاقاه من عناء العمل ونتبادل النكات على الشعب المصرى، وتشاركنا أمى الدعابة، وكانت مثلا ترفع سماعة التليفون وتقيل محافظا أو وزيرا، ويرد عليها أبى بالمثل ويقيل رئيس وزارة، أو يعتقل صاحب توكيل إحدى ماركات السيارات، وكنا نضحك وكانت ضحكاتنا من القلب، وكان من عادة أبى بعد أن نتناول العشاء أن يعطى أمى حقيبة بها بضعة ملايين هى كل حصيلة يوم عمل للشعب، وتقوم أمى بإيداعها فى الخزينة تمهيدا لتسفيرها بنوك سويسرا فى اليوم التالى.

وكان أبى يحرص على أن نتابع الصلوات الخمس فى التليفزيون، وكان من عادته أن يأوى لفراشة بعد مشاهدة صلاة العشاء بالتليفزيون، وكان من عادته أيضاَ كل عام التوجه للـ "الفريضة" فكان يسافر فى الصيف لشرم الشيخ ويطوف بالمسثمرين لتأدية "الفريضة" . وإعتاد أبى أن يصطحب أخى معه لقصر الرئاسة منذ نعومة أظافره، وكان يقسو علي أخى حتى قوى ساعداه وراح يعتمد عليه فى رئاسة المؤتمرات والمنتديات الإقتصادية

وكانت أمى لا تدخر جهدا فى معاونة أبى فى عمله، وبرغم مرضها فقد كانت تصر على الخروج بعد ذهاب أبى للعمل، وتجدها تارة ترأس مؤتمر نسائى، وتارة تفتتح مكتبة، وتعود بما يرزقها الله من بضعة ملايين هى عناء يوم كامل، وتعطيها لأبى الذى كان يتوسل إليها فى كل مرة أن تبقى بالبيت لتنعم بالراحة، ولكنها كانت تصر على معاونته وتقول له " لا تنسى أن الحمل ثقيل على كاهلك، ولم تعد صحتك كما كنت فى شبابك، وأنت لم تعد تقدر على جمع العمولات وحدك، ومصر لا تزال بها الكثير" وكان أبى يقبل يداها ويدعى لها بكثرة المؤتمرات، ونقوم فى نهاية جلستنا بإحصاء الرزق اليومى وكان وقتها لا يتجاوز الخمسة مليارات دولار، فقد كان أبى لا يزال فى أول فترة الرئاسة.

وسارت الحياة على هذا النحو الجميل حتى كبرت أنا وكبر أخى جمال أيضا. وبلغت منتصف العشرينيات من العمر، ودق قلبى لأول فتاه رايتها فى حياتى، وكانت وقتئذ بادئة فى تقديم فوازير رمضان، وظلت علاقتى بـفتاتى فى الخفاء عدة اشهر، ولم ابوح بها لأحد، ولكنه قلب الأم الذى يستشعر كل شيىء من خلال التقارير.

وألمحت لى أمى ذات يوم بأن الفتاة ليست من طبقتنا، وأن قلبها لا يشعر بالإرتياح لهذه الفتاة، وتعلمت اول درس فى حياتى وهو أهمية رضا الأم، فقد صدق المثل الذى نتداوله فى عشيرتنا والذى يقول "مالا ترضاه الأمهات، تصفيه المخابرات" وبالفعل كان إنتقام القدر من الفتاة فى حادث سيارة حتى أوقعها مشلولة ونالت جزاؤها. ومرت الساعات ونسيت فتاتى، وتعلقت بمطربة تونسية لطيفة الملامح، ولم ترضى عنها أمى أيضا، ولم يتسع وقتى لمعرفة كيف كان انتقام القدر منها، وغيرها وغيرها.

أما أخى فقد كان على النقيض، فلم يكن يسعى لمثل هذه العلاقات، ولكنه كان انطوائيا وليس له صداقات سوى بعض المستثمرين وكان يخجل من الكلام مع الناس إلا مع رجال الأعمال، وكان أخى متسامحاَ فى حقوقه مع الناس حتى أن وكيل إحدى ماركات السيارات الفرنسية رفض التنازل له عن الوكالة، وضاق صدر أخى بهذا التصرف الذى لا يأتى من إنسان " وجيه"، فما كان من أخى إلا أن ترك هذا الرجل لإنتقام القدر ومات الرجل كمدا وهماَ، وصدق المثل الذى يقول " شاركنى ياصاحب التوكيل، وإلا حاتموت ذليل".

سيدى ... لم تمض الحياة معنا حلوة كما نتمنى، فقد تخلل حياتنا الكثير من المتاعب، فقد بدأت الدنيا تتربص بى - وكنت وقتها فى العاشرة من سنوات عمرى - فبعد أن أخذت حمام كالعادة، عطست، وقلق أبواى بشدة وظنا أننى أٌصبت بنزلة برد، وشحب وجه أمى وصاحت فى وجه أبى "إعمل أى شيىء، هاتله الدكتور، إنشالله حتى ياخد أتعاب" وتم إستدعاء طبيب أطفال وكان وقتها أستاذ جامعى مغمور، وطمأن أمى على حالتى، وماهى إلا ساعتين وكنت قد انتهيت من العطس، بفضل الله، ودس

أبى يده فى جيبه ليعطى الدكتور أتعابة، فلم يجد فى وسط العملات التى أخرجها من جيبه أى عمله مصرى، وفهمت أمى ما يعانية أبى من حرج، وتصرفت فى الحال، فقد كانت تعلم ظروف أبى، وبإبتسامتها المعتادة طمأنت أبى "أنا حاتصرف" وبالفعل أجرت مكالمة تليفونية، وبعدها ودعَت الطبيب الذى خرج شاكرا وقبل يداها، وسألها أبى كيف تصرفت، فأجابته على الفور "أبداً، عملته وزير التعليم"، وتنفس أبى الصعداء، وفى الحال رفع أبى يديه للسماء وراح يتمتم فى صوت خافض " الحمد للمقاولات "، وسألته أمى "تقصد الحمد لله"، فقال لها " لأ... أقصد شركة الحمَد للمقاولات ...دى شركة مقاولات كنت ناسى انها بدأت إستثماراتها فى مطروح ولسة مادفعوش العمولة"، وعندها بادرته أمى بإبتسامتها الرقيقة "يووووه يابو جمال...الناس دفعوا اللى عليهم من زمان، بس أنا نسيت أقولك أنهم ماقدروش يدفعوا غير تلاته مليون دولار لأنهم متعثرين، قلت ومالوا، يكملوا بالباقى سجن"، ولأول مرة أجد أبى يصيح فى وجهها " طيبتك دى حاتخرب بيتى "، وطمأنته أمى بإبتسامتها الرقيقة "معلش، إعمل الخير وإنساه، فى بنوك سويسرا تلقاه" .

ومرة أخرى ياسيدى تتربص بنا الدنيا، وجاء دور أمى، فقد أُصيبت المسكينة بفشل كلوى، ولم يفلح العلاج الطبى معها، وتطلب الأمر نقل كلية، وأقسم أبى بالرغم من ظروفه أن يجرى لها العملية مهما كانت التكاليف، ولو أدى الأمر لرهن قطعة الأرض (كان أبى يمتلك قطعة أرض تمتد من البحر المتوسط شمالا للسودان جنوبا ومن البحر الاحمر شرقا الى ليبيا غربا)، أو حتى بيع المصريين .

وبدات رحلة المتاعب مع البحث عن متبرع يتوافق مع أنسجة أمى، ووجدنا الكثير من مجندى القوات المسلحة يصلحون، فقد وصل عدد المتطوعين للتبرع بالكلى أربعة آلاف مجند، خاصة بعد الأمر العسكرى رقم 433 لسنة 1992 والذى بموجبه يخضع أهل الخير من المجندين للفحص الشامل تمهيدا لإختيار المتبرع، وتم أختيار أحدهم بعد عمل كافة الفحوص، ولكن .... ماذا أقول يا سيدى؟ فليس كل ما يتمناه المرء يدركة، فقد تم استبعاد هذا المتبرع، ولم يحظى المسكين بمكافأته بالتسريح من الخدمة قبل موعده بشهرين، والسبب أن أهل الخير من أصدقاء أبى نصحوه بالحصول على الكلى من متبرع برتبة لواء - لا أقل - توقيراً لأمى، وبالفعل تم استدعاء هذا اللواء للتبرع بالكلى، وفى أثناء نقله بالتروللى أمامى لغرفة العمليات، مددت يدى لأصافحه، وكم كانت فجيعتى وجرح كرامتى عندما رفض هذا المتبرع مصافحتى لأشكرة على شهامته للتبرع بالكلى من أجل أمى، وكانت حجته أن يداه مكبلتا بالكلبشات ولا يستطيع مصافحتى، وتضايقت من موقفه قليلا، ولكنى قلت لنفسى معلهش، وإكتفيت بما سوف يلاقيه من انتقام القدر بعد العمليه. وما أن خرجت أمى من غرفة العمليات، وفتحت عيناها، ولمحت إبتسامتها الرقيقة، حتى رأيت أبى فى لمح البصر يسجد على الأرض وجبهته تلمس الأرض، فقد طُلب منه أن ينبطح فورا لدى الشك فى أى حركة غير آمنة بمحيط تواجده، وقام من السجدة شاكراَ لرجال الأمن هذه اليقظة.

ودخلت أمى غرفتها، وأتى الدكتور محمود الذى أجرى لها العملية وراح يطمئن أبى بأن الجراحة كللت بالنجاح، ورأيت الجراح يتهامس مع أبى ويمتدح ظروف الجراحة، وإستدار الدكتور محمود لأمى وقال لها: دكتور محمود: هذه أول مرة فى حياتى أشوف رصيدك من الخير يرجعلك فى شكل مكافأة من السما، تصورى سيادتك بعد ما نقلت الكليه من المتبرع، سألته إن كان يحب يتبرع بالكلية التانية بالمرة، وفهمت من صمت المتبرع أنه لا إعتراض، وفعلا نقلت الكليتين لسيادتك"

سوزان: إوعى يا دكتور محمود يكون المتبرع ماقدرش يرفض عشان كان تحت البنج؟ دكتور محمود: يافندم اللى عايز يعترض .. بإيده، وإن ماكانش بلسانه، وإن مكانش يبقى بالنية، وده أضعف الإيمان .. موش بيقولوها كده فى الأحاديث برضه؟

وغادر الدكتور محمود الغرفة، وأثنى أبى على الثقافة الدينية للدكتور محمود، وتمنى لو أن منصب وزير الأوقاف كان شاغرا . ورحنا نتبادل النكات على المصريين، وفجأة .... سمعت صرخات وعويل من أسرة المتبرع بالغرفة المجاورة، وعرفت عندئذ أنه "إنتقام القدر" .

ومرة أخرى بعد ربع ساعة أتى الدكتور محمود للإطمئننان على حالة أمى، وخرج، ونظر أبى لعمو "صفوت" وراح يسأله : تفتكر الدكتور كده رايح جاى عايز حسنة؟ أديله عشرين جنيه مثلا؟ ونفى بشدة عمو صفوت فكرة أن يكون الدكتور عايز حسنة، وأكد لأبى أن الدكتور محمود .. شريف بالفعل، وهنا تدخلت أمى، وبإبتسامتها المعهودة قالت : مالكوش دعوة ...دى عمليتى أنا، ومكافئته من عندى أنا، اطلبلى رئيس الوزارة ياحسنى، وأمسك أبى بالتليفون وراح يطلب أول ثلاثة أرقام، ووضع السماعة، و إستدار أبى يسأل صفوت:

حسنى : هوه مين رئيس الوزارة عندنا دلوقت؟

صفوت: على لطفى ياريس.

حسنى : آه صحيح، أنا فاكر الإسم ده، طب نمرته كام؟

صفوت: عنك انت ياريس، أصل نمرته معقدة، دى من7 أرقام .

حسنى : إنشالله تكون من8 أرقام، انت فاكرنى غبى، ولا انت مصدق حكاية "لا فاش كيرى"؟

صفوت : طب من الشمال لليمين دوس على رقم 5 وبعد كده دوس على الباقى أصفار

حسنى: يعنى بعد مادوس 5 أقفل الخط ؟

صفوت: لا ياريس، دوس الأول 5، وبعدين دوس عالصفر وكررها ست مرات

حسنى: (يضغط على الأزرار) 5، 0، 5، 0، 5، 0، 5، 0، 5، 0، 5، 0

ويأتى صوت يقول : هذه رسالة مسجلة، تأكد من الرقم الصحيح، وهنا يصيح أبى فى دهشه:

حسنى: الظاهر انه خرج ومشغل الآنسر ماشين، أسيبلة رسالة يا سوزى ولا اطلبه تانى؟

وإبتسم عمو صفوت فى خباثة، وقام بشد الكرافته الشيك بتاعته، وأخذ عمو صفوت التليفون من أبى وطلب الرقم وأعطى السماعة لأبى الذى أعطاها بدوره لأمى . ونظرت أمى لأبى شذراَ، وقالت له : تفتكر إيدى اللى فيها الجلوكوز تقدر تمسك سماعة التليفون ؟ شغل الـ سبيكر فون يا... آه يانارى من تصرفاتك ياحسنى. ورحنا ننصت معا للحوار على الـ سبيكرفون:

على لطفى: حمدلله على سلامتك يافندم

سوزان : مرسيى يا لطفى ..باقولك إيه ..عندنا وزارات إيه فاضية دلوقت؟

على لطفى: (بعد برهة صمت) ...عندنا إيه...عندنا إيه.. كله مشغول يافندم

سوزان: يعنى إيه كل ماطلب منك وزارة تقوللى كله مشغول مشغول، بعد كده حا خليك "خارج الخدمة"، إتصرف فضيلى أى وزارة. وهنا يخرج أبى ورقة صغيرة من جيبة يطالعها بسرعة، ويهمس لأمى : قوليلة على بتاعة الحَكَم (بفتح الحاء والكاف). وتسمعة أمى وتتحاور مع لطفى مرة أخرى: سوزان : طيب ما تشوف اللى بيقول عليها حسنى دى، بتاعة الحَكَم (بفتح الحاء والكاف)!!!

على لطفى : (بعد برهة صمت) .. الحَكَم ... الحَكَم .. يقصد سيادته وزارة الحكم المحلى، خلاص ماشى يافندم . طب إسمه ايه يا فندم الوزير اللى حايمسكها ؟

سوزان : اسمه محمود شريف .. دة الدكتور اللى عمللى العملية يا لطفى .. راجل يستاهل كل خير.

على لطفى: أيوه يافندم .. بس دى وزارة إدارية، بتاعة الإدارات الحكومية ... وده طبيب سيادتك .. أنا خايف بس مايعرفش يمشيها .

سوزان: يوووه يالطفى .. هوه يعنى وزير الكهربا كان كهربائى، ولا وزير الرى كان جناينى؟

على لطفى: خلاص ماشى يافندم ... مبروك لمصر الوزير الجديد، طب باقول أيه يافندم، أنا يعنى ...

سوزان : فيه ايه يالطفى؟ ما تتكلم

على لطفى : أبدا .. بس أنا عارف إن عملية سيادتك اتكلفت كتير والحمل عليكو كبير، وربنا قدرنى وجمعت لسيادتك قد خمسة سته مليار فضلة خيرك تمشى بيهم نفسك لغاية ماتشدى حيلك.

سوزان : ميرسى يالطفى . وتغلق الخط

وتصيح أمى فى أسى : يووووه .... نسيت اسأله بالدولار ولا بالجنيه

صفوت : (فى صرامة وجديه) لأ يافندم .. إحنا عملنا ضريبة المبيعات بالجنيه.

وهنا يتدخل ابى ويوجه كلامة لصفوت : آه .. ونخلى ضريبة المشتريات بالدولار. صح؟

ولكن عمو صفوت يتجاهل مقولة أبى وينظر فى ساعته، ويتهيأ للإنصراف مودعا أمى :

صفوت : ألف لا بأس يافندم ... وبعيد الشر عليكى .. إنشالله شعب مصر كله وانتى لأ.

ويغادر عمو صفوت الغرفة دون أن يعير أبى أى إنتباه، ولكنه يقف عند باب الغرفة ويستدير ليخاطب أبى:

صفوت : على فكرة ياريس .. عندك مؤتمر صحفى بعد عشر دقايق عشان عملية الهانم.

حسنى: وانت مش حا تستنى معايا ؟

صفوت : لأ . ما نت عارف .. أنا رايح بدالك الإجتماع الموسع بتاع رؤساء البنوك .

حسنى : آه صحيح . طب ماتنساش الحصيلة بتاعة الإجتماع دهوت، وديهالى عالبيت.

صفوت (بصوت خفيض حتى لا تسمع سوزان) : وما تنساش السر بتاع العملية.

حسنى : (فى دهشة وبصوت مسموع) : سر ؟ سر إيه؟ ... آآآآه فهمت فهمت فهمت روح انت دلوقت يا صفوت.

ورأيت أمى لأول مرة تثور على أبى، وتصيح فيه:

سوزان : سر إيه، وعملية إيه؟ هو إيه الموضوع بالضبط ياراجل انت.

حسنى (فى حشرجة صوتية) : أأأنا ماعرفش سر ايه.. تلاقيها حاجة فى العملية بتاعتك ومش عايزينك تعرفيها.

سوزان : يامصيبتى ... يكون ياراجل العملية خطيرة ولا بايظة ومش عايزين يقولولى؟

حسنى : يووووه بقى ... عندك الدكتور إستفسرى منه. أنا رايح الزفت (يقصد المؤتمر) الصحفى. وينصرف أبى، ويخرج من الغرفة مهرولا، وتدخل الممرضة وتغلق الباب بعد انصراف أبى. وتطلب أمى من الممرضة الإتصال بالدكتور محمود شريف والحضور فوراَ.

وتستجيب الممرضة وتنصرف، ولكن بعد دقيقة يأتى مراسل عسكرى برتبة لواء ويقدم التحية العسكرية لسوزان، ويتسمر واقفاَ مركزا بصرة على سقف الغرفة، ويده مشدودة فى تعظيم السلام العسكرى، وراح يتلو فى لهجة عسكرية صارمة وصوت أجش وكأنه النشيد:

المراسل : تمام سيادتك يافندم، تم البحث عن الدكتور محمود فى كافة الأنحاء وإتضح من تقارير المخابرات أنه الآن ليس طبيب، بل وزير الحكم المحلى لجمهورية مصر العربية، وهو برفقة السيد الدكتور رئيس مجلس الوزراء فى جوله بالمحافظات لتسليمه مهام المنصب الجديد.

سوزان : يا مصيبتى فيكم. غور من وشى، وهاتو من تحت الأرض.

المراسل : تمام سيادتك، علم، وسوف ننفذ الأمر الأول و الأمر الثانى. ويهم المراسل بالإنصراف، ولكن بعد أن يؤدى التحية العسكرية، وبينما هو يلتف مستديرا للخلف فى حركة سريعة وعنيفة، تصطدم يده بحامل الجلوكوز عند قدم السرير ويظل يتارجح الحامل، وتقع زجاجة الجلوكوز على الأرض وتصطدم بالسرير المعدنى، محدثة صوتا يشبة الإنفجار المكتوم، وتنسلت الإبرة من يد السيدة سوزان محدثة ألما شديدا فتصرخ .

فى هذه الأثناء يعتقد رجال الحرس الخاص المرابض خارج الغرفة بوجود إعتداء على السيدة الأولى بسبب صراخها و صوت الإنفجار المكتوم، وفجأة ينخلع باب الغرفة من المفصلات، ويقع الباب للداخل، ويدخل أربعة رجال شاهرين مسدساتهم أمامهم، ويقوم أحدهم بتفريغ طلقتين من مسدسة الكاتم للصوت فى رأس المراسل، ويقوم الحراس بجرة من رقبته للخارج بينما الدماء تنهمر من راسه.ولكن السيدة سوزان تشرح لرئيس الحرس بأن المراسل الذى إغتيل لم يكن مذنبا.

فى هذه الأثناء، يترك حسنى المؤتمر الصحفى و يأتى مهرولا وخلفة الصحفيون، حتى يصل باب غرفة السيدة سوزان، ويستقبله رئيس الحرس ويبادر بطمئنته :

حسنى : فيه إيه بالضبط ؟

رئيس الحرس : إطمن سيادتك، كله تمام، أنهينا المحاولة المشتبهة، وكل الخسائر تتلخص فى إنفلات إبرة الجلوكوز و قتل اللواء المراسل بالخطأ. ولكن إتضح أنه حادث عارض وليس محاولة إعتداء.

حسنى : طب وبعدين، حاتتصرفوا إزاى دلوقت؟.

رئيس الحرس : بعتنا نجيب إزازة جلوكوز غيرها يا فندم .

حسنى : طيب متشكر، خلوا بالكم منها. وانصرف الريس ومعه صحفيو الرئاسة (غير مسموح لأى صحفى تابع لأى جريدة بالتواجد)، وراح السكرتير الشخصى للرئيس يعطى تعليماته للمصور ومخرج المؤتمر بالإستعداد، ونادى المخرج على إحدى الفتيات التى تقوم بدور الصحفية:

المخرج: الآنسة هناء عمارة، ياللا إبدأى سؤالك رقم واحد لسيادة الريس .

هناء عمارة (تمسك الميكرفون) : حمدالله على سلامة السيدة الأولى يافندم، إيه نوع العملية الجراحية؟

الريس: نو كومنت، بس هى عملية نقل كلى وخدناها من واحد لواء متطوع بأمر وزير الدفاع.

هناء عمارة : ده بالنسبة لنوع العملية، طيب إيه نوع المرض اللى عند السيدة الأولى؟

الريس : نو كومنت، كان ورم خبيث فى البروستاتا باين ولا حاجة زى كدة.

المخرج يصيح : ستووووب، معلش سيادة الريس كلمة (نو كومنت) دى لما تكون سعاتك موش عاوز تجاوب. وبعدين الورم موش فى البروستاتا، ده فى الكلى. كلاكيت تانى مرة.

هناء عمارة (تمسك الميكرفون) : حمدالله على سلامة السيدة الأولى يافندم، إيه نوع العملية الجراحية؟

الريس: نو كومنت.

هناء عمارة : ده بالنسبة لنوع العملية، طيب إيه نوع المرض اللى عند السيدة الأولى؟

الريس: ورم خبيث، بس الحمد لله ما جاش فى البروستاتا، جه فى الكلية.

المخرج يصيح : ستووووب، معلش سيادة الريس، الظاهر إن سيادتك مرهق شويه، على العموم هانعملة على شكل حوار صوتى مع الدوبلير الإذاعى، وهانعرض صور سيادتك عالشاشة من خلال لقطات من أى مؤتمر قديم.

الريس : أحسن ياسى زفت، غور انت والمصور بتاعك، تعالى يا هناء.

هناء عمارة : أفندم ياريس ؟

الريس: ها . انا كلمت أخوكى عبد المنعم، ووافق.

هناء عمارة : الشرف ليا يا سيادة الريس، إمتى كتب الكتاب و ....؟

الريس: بكرة فى الاسماعيلية، وبالنسبة للموضوع التانى، طلعت قرار النهاردة إن عبد المنعم يمسك محافظ الاسماعيلية.

وبعد دقائق، حضر صفوت الشريف مرة أخرى، وجاء مسرعاَ ليطمئن على سوزان :

صفوت: سلامتك يافندم، الولاد بتوع المخابرات بلغونى فى العربية بالحادث وعرفت منهم إن إبرة الجلوكوز إتسلتت من إيد سيادتك، ألف سلامة يا فندم. والتفت صفوت ليجدنى فى ركن الغرفة مراقباَ لكل ما حدث، ونظر لأمى وسألها:

صفوت : إوعى يكون الولاد قتلوا الضحية قدام علاء بيه وشاف منظر الدم !!!

سوزان : لأ الحقيقة الولاد مرتبين جدا، واحد منهم كان مخبى عين علاء بإيده عشان مايشوفش، والتانى كان بيخلص على اللواء المراسل، والتالت كان بينضف النزيف من على الأرض أول بأول.

صفوت : كدة .. طيب الحمد لله. أنا ماشى بقى، وآدينى إطمنت علي سيادتك.

سوزان : لأ .. قوللى إيه حكاية السر يا صفوت .

صفوت : والله كدة بتحرجينى يافندم، لكن مابعرفش أخبى على سيادتك، ولو أنى خايف سيادة الريس يزعل منى، لكن حاقوللك وأمرى لله. الحقيقة إن الحكاية موش فشل كلوى ولا حاجة، دة بس كان ورم خفيف فى الكلية الشمال، وآدينا شلناه والحمد لله. والدكتور محمود شريف اشطر واحد فى حكاية الأورام.

سوزان : يعنى الحكاية بسيطة يا صفوت؟ قوللى أنا زى أختك.

صفوت : أقسم لك بحياة علاء بيه، وحياة جمال بيه، اللى هما أغلى من ولادى ومن أحفادى، الموضوع ما فيه أى حاجة غير اللى قولته لسيادتك، ده مش كدة وبس، أنا من نفسى خليت الولاد بتوع المخابرات ياخدوا تعهد على الدكتور بإن الكلية الجديدة لو باظت، يبقى هوه المسئول، وفى الحالة دى، هوه عارف ان كليته هى اللى حاتتاخد مكان دى لو حصلها حاجة.

وهنا تبادر إلى ذهنى أن أسأل عمو صفوت عن بعض الأمور التى جاءت فى سياق كلامه:

علاء: عمو .. انت فعلا بتحبنى أكتر من إبنك بجد؟

عمو صفوت : طبعاَ يا علاء، هى دى عايزة تأكيد.

علاء: وبتحب برضة أخويا جمال أكتر من ولادك؟

عمو صفوت : طبعاَ يا علاء، هى دى عايزة تأكيد.

سوزان : كفاية كدة ياعلاء بقى، موش قلنا ميت مرة بلاش الأسئلة اللى بتحرج الكبار دى، وقوم عشان تروح البيت تنام مع أخوك جمال. وبالفعل، إنصرفت بصحبة سائق الرئاسة وهو رجل نوبى إسمة عم حسان تجاوز الخمسين، وفى الطريق جال بخاطرى أن أتحاور معه:

علاء: العربية دى حلوة قوى يا عمو حسان. دى بتاعة مين ياعمو؟

حسان: دى ملك الدولة يافندم.

علاء: يعنى مش ملك بابا؟

حسان: الدولة ملك بابا يافندم.

علاء: يعنى ما ينفعش آخد حتى نصها ؟ حسان : ممكن يا فندم.

علاء: طب ماتكلم بابا يكتبلى نصها حتى أو أشاركه فيها؟.

وفجأة، داس عم حسان على مكابح السيارة وأوقفها وسط صراخ الإطارات وكأنه أوشك على الوقوع من التل .. وراح يحدق فىَ بذهول.

علاء: خير ..فرملت ليه ياعم حسان ؟

حسان : أبدا يافندم .. أصل سؤالك ... لأ مفيش أنا بس سرحت شويه.

علاء: طب قوللى ياعم حسان، انت ممكن تحبنى أكتر من ولادك؟

حسان : أنا باحبك يافندم، بس كل أب بيحب ولادة أكتر من أى حد تانى.

علاء: يعنى عمو صفوت كداب لما قاللى بيحبنى اكتر من ولاده؟ ولم يجبنى عم حسان، وراح يشغل كاسيت السيارة، وكانت أغنية "حلو وكداب".

* * * *

عزيزى محرر البريد الأستاذ تامر عبد الوهاب مطاوع

لن أطيل عليك قصتى , وأقول للسادة قراء البريد سوف أكمل قصتى معكم فى عدد الجمعة القادمة.

كلمة المحرر:

أقول لكانب هذه الرسالة : تحضرنى مقولة للكاتب اليابانى الساخر برنارد أحمد شو " يرتكب الزعماء الكثير من المآسى للوصول للكرسى الرئاسى" , وسوف أقوم بنشر هذه القصة على حلقات , ولكن يحضرنى بعض أبيات الشعر كتبها الشاعر المعاصر وائل عبد الرحمن الابنودى , وهو نجل الشاعر الكبير عبد الرحمن الابنودى الذى أمتع مصر قبل خمسين عاما :

المصرى مخلص لبلدة من ميلادة لغاية الممات تاريخة مشرف فى كل الحروب و الغزوات

كل طموحه كباية شاى و معاها واحدة بقصماط يتعشى وينام , ويصحى ناسى كل اللى فات

تقرص عليه فى عيشته يتنهد فى سره ذى البنات بكتيره , ينفس عن حسرته بتلات أربع نكتات

موجود منه عسكرى بأجر يومى جوز جنيهات و نوع تانى اسمه رتبة , بس يوميته بالآلافات

ومنه كمان عباقرة ومفكرين وأساتذة جامعات يشتغل محلى وكمان للتصدير برة بكل اللغات

عندنا أزهرى بجبه وعمة لزوم الفتوى بالذات ونزل منه معدل بالبدله يشرفك عالعرب سات

محامي و مهندس وطبيب فى كل التخصصات جاهز للسفر برة من ليبيا لغاية دولة الامارات

تسيبه يتغرب وكمان تقاسمه فى حصة الدولارات ضريبة عالعاملين وكمان يوردها بالدولارات

خليه يطعن قدام المحكمة الدستورية فى الكيتكات فى حياته ما حيسافر تانى و ديتها شوية قرارات

حاناخدهم منه فى فاتورة الكهربا مع الكيلوات رسوم نضافة لكن حايدفعهم ياولداه بالالوفات

٣‏/٦‏/٢٠٠٦

waiting for a butterfly


Happines is like a butterfly ...
you run after it - it keeps flying ...
if you stand still - it comes & sits on your shoulder !

أيه السلبية دي ...
وسسسس ساععععععععع!!
وراكي لحد ما أصطادك يا بنت الإيه

:D

زيس إز فور يو - يو نو يورسيلف - بلاش سياح أحسن


الكلام ده أنا كتبته لجهاد فالبلوج تباعها - بس المرة دي أنا سايبه عندي علشان حد معين ...
.
.
.

we dont choose our parents - we just love them as they are !! ... strange but true
we dont choose our sisters (and brothers) ... they are just there to "miss - get" u !!
bas we choose our friends ... w kolo mawgod ... feeh aliens w feeh humans - w kol wa7ed w zo2o ;)
u'll find some "gehad typed" guy/gal wondering around in some endless circle of contradictions waiting to find some one of his species :D
goody... there's no "last"unicorn ... the legend says that the lovely unicorn ends to find his herd - bas he had to spend sometime ... that's how things go ;)

اسكندرية - يوم الجمعة


هو العيب فين ...
القاهرة يوم الجمعة ...
ولا يوم الجمعة فأي حتة غير اسكندرية ...

I hate this !!!

لازم أصحى متأخر بعد ما ماما تغلب معايا :)
يادوبك ألحق آخد الدش المتين و أفطر فطار بجد ومعايا أهرام الجمعة المستفز ...
أجري عالجامع أسمع الشيخ بتاع وزارة الأوقاف التعبان اللي على قد حالة و هوب ! أقم الصلاة
أسلم بعد الصلاة عالعيال - أو اللي لسة فاضل منهم بيصلي في نفس الجامع ...
ألحق أكلم "مهموها" مكالمة يوم الجمعة بعد الصلاة ... أشهر و أهم مكالمة اسبوعية لينا ...
أقفل معاها لما أوصل لشباك التذاكر في محطة مصر - لازم أحجز في قطار الساعة سبعة بتاع بكرة...
أطلع عالقهوة - الدرينى أو الشرق ... أقعد مع الواد علي و الواد رامي و آخرون ... أسمع أخبار اسكندرية و احكيلهم عن أخبار القاهرة...
أخلص ال"فانتا" و أجري عالبيت أتغدغ غدواية سخنة من إيد ماما ... ويا سلام لو سمك أو فراخ ...
أقول لماما مش حنام و بعدين أطلع عيل و أنام زي كل مرة :)
أصحى - أنزل أتسنكح ... مرة عادل و مرة لطفي و مرة فتح الباب و مرة وائل و مرة كل الناس دي :)
أرجع متاخر و أسهر أودع التلفزيون اللي مش بلاقي وقت أشوفه فالقاهرة و أنام عالفجر ...
.
.
.
.

النهاردة محصلش ولا حاجة من دول :(
"أي ميس يو مي دير أليكس - أي ميس يو أوول"
المرة دي الإسبوع بقى أربعتاشر يوم:(

عاوز أروااااح

٢‏/٦‏/٢٠٠٦

صلاح جاهين - كلاكيت مليون مرة


عـلى إسـم مصـر التـاريـخ يقدر يقول ما شاء
أنـا مصـر عنـدى أحـب وأجـمـل الأشـيـاء
بـاحبـها وهـى مالـكه الأرض شـرق وغـرب
وبـاحـبها وهـى مـرمـيـه جـريحـة حـرب
بـاحبـها بعـنـف وبـرقـة وعـلى استـحيـاء
واكـرهـهـا والـعـن أبوهـا بعـشق زى الداء
واسيـبها واطفـش فى درب وتبـقى هى ف درب
وتلـتـفـت تـلقـيـنى جنـبـها فـى الكـرب
والنبـض ينفـض عروقـى بألف نغـمة وضرب
على إسم مصر

مصـر النسـيم فـى اللـيـالـى وبياعـين الفـل
ومـرايـة بهتـانة ع القهوة .. أزورها .. واطـل
القـى النـديـم طـل مـن مطـرح مَـنَا طَلّيـت
والـقـاهـا بـرواز معـلق عنـدنا فـى البـيت
فيـه القـمـر مصـطفى كـامل حبيـب الكــل
المصـرى بـاشـا بشواربـه اللى ما عرفوا الذل
ومصـر فـوق فـى الفـراندة واسمـها جوليـيت
ولـمـا جيـت بعد رومـيو بربـع قـرن بكـيت
ومسـحت دمـعى فـى كمى ومن ساعتها وعيـت
على إسم مصر

مصـر السـمـا الفـزدقـى وعصافـير معديـة
والقـلـة مـمـلـيـة ع الـشـباك .. مـنـديـة
والـجـد قـاعـد مربـع يـقـرا فى الجرنــال
الـكاتـب المـصرى ذاتـه منـدمـج فى مقـال
ومـصر قدامـه اكـتـر كـلمـة مـقـريـــة
قـريـتـها مـن قـبـل مـا اكتب اسمى بإيديـا
ورسـمـتـها فى الخـيال على أبـدع الأشكـال
ونـزلـت أيـام صبـايـا طـفـت كـل مجـال
زى المـنـادى وفـؤادى يرتـجـف بـجــلال

عبد السلطان

من لا يعرفه السلطان مات كالسلطان - أما من عرفه السلطان عاش عبدا للسلطان

مش متأكد من نص الكلام بس أظن ده اللي قالهولي الراجل الإسكندراني أبو دوجلاس اللي قعد يحكي معايا يجي نص ساعة النهارده لما قابلني في قاعة المؤتمرات وعرف اني اسكندراني أصلا !!

الراجل كان بيتكلم عن الوزير محمد رشيد "جاره" اللي أضطر لقبول الوزارة لإنه خلاص أصبح لا يمتلك حق الرفض !!

عجبت لك يا زمن !!